Балаҕан ыйын 22 күнүгэр «Сайылык оҕото» оскуолатааҕы сайыҥҥы бырайыак отчуоттуур тэрээһинэ буолбута. Сайылыкка олорор оҕолор туһалаах дьарыктарын, республикатааҕы «Ыанньыксыт күрэҕэ» тэрээһин туһунан, кэтээн, чинчийэн көрүүлэрин кэпсээбиттэрэ. Олохтоох дьаһалта, «Бөртө» сылгы собуота уонна оскуола администрацията туруорбут бэлэхтэринэн наҕараадаланныбыт.
Мин сайын аайы Уу Көхсө алааска сайылыыбын, быйыл эдьиийбэр көмөлөстүм. Биһиги күн аайы ферма тэрбийэҕин көрөр этибит. Ыам кэнниттэн бөлөнөх тиэйэрим уонна тэрбийэхтэри үүртэлээн киллэртээн, аһаан бүппүттэрин кэннэ биэдэрэ сууйар үлэлээҕим. Бастаан күҥҥэ үстэ аһатар этибит, онтон иккитэ аһатар буолбуппут. Сарсыарда 8 чааска уонна киэһэ 18:00 ч. аһатабыт. Ол туһунан «Сайылык оҕото» тэрээһиҥҥэ кэпсээбитим уонна кыргыттарга 3 миэстэ буолбутум. Миэхэ физика учуутала анал бириис туттарбыта.
Сайылыкка олус үчүгэй, күн аайы сөтүөлүүбүт, велосипедынан хатааһылыыбыт уонна киэһэ аайы араас оонньууларга оонньуубут.
Сахаяна Васильева, М.Е.Васильева аатынан 2 Малдьаҕар орто оскуолатын 6 кылааһын үөрэнээччитэ
Хаартыскаҕа түһэрдилэр:
Гаврильев Харысхан, 8 кылаас, Алексеева Лейла, 7 кылаас