Оҕолоор, эһиги остуолгутугар арыы хайдах кэлэрин билэҕит дуо? Ынахтан үүт кэлэр, үүтү сэппэрээтэргэ сүүртэххэ сүөгэй буолар, онтон сүөгэйи сойутан баран күүскэ ытыйдахха арыы тахсар. Онтон бүгүн Тася Попова «Таатта» СХПК арыыта хайдах оҥоһулларын видеоролигар көрдөрүө.
Тася — үлэһит кыыс. Улахан хаһаайыстыбалаах дьиэ кэргэн сүрүн көмөлөһөөччүтэ. Сайыҥҥы сынньалаҥар сарсыарда эрдэ туран ийэтигэр ынах ыаһыныгар, куурусса аһатыытыгар куруук көмөлөһөр. Кини тыа хаһаайыстыбатыттан хайдах дохуот ылары билэр.
Бүгүн собуокка баран сүөгэй, арыы хайдах оҥоһулларын, үүт сыатын хайдах таһаарары билистэ. Үүт сыатыттан дохуот киириитэ улахан тутулуктааҕын биллэ.
Тыа хаһаайыстыбата — ханнык баҕар судаарыстыба куттала суох буолуутун (государственная безопасность) сүрүн оҥкула. Нэһилиэнньэтин бэйэтэ аһатар эрэ дойду тирэхтээх. Экологическай өттүнэн ыраас ас киһи доруобуйата тупсарыгар улахан көмөлөөх.
Бэйэ инф.