Ф.Г. Охлопков аатынан Майа орто оскуолатын «Сатал» лааҕырын иккис сезона түмүктэннэ. Бэс ыйын 28 күнүттэн от ыйын 18 күнүгэр диэри «Медиа Каникулы» этэрээккэ сырыттым. Иккис сезоҥҥа икки этэрээт «РобоМастерс» уонна «Медиа Каникулы» үлэлээбиттэрэ.
Күммүт сарсыарда тоҕус чаастан саҕаланара. Күҥҥэ үстэ аһыыр этибит, аспыт олус минньигэс этэ.
Икки этэрээт буолан валюта толкуйдаабыппыт. Уопсайа 17 идея куоластааһыҥҥа кыттыбыта. Кыайылааҕынан Андросова Дарина буолбута. Күн аайы хойутааһына суох кэллэххинэ, дежурнайдаатаххына, проект оҥордоххо 1 иһинээҕи валюта бэриллэрэ.
Сарсыарда аайы сэрээккэлиирбит, араас үҥкүү үөрэтэрбит. Хас биирдии күн ураты буолара. Өрөбүл күн аайы киинэ күнэ этэ. Д.Ф. Ходулов аатынан норуот тыйаатырын режиссера Данил Осипов лааҕырбытыгар кэлэн идеяларбытын үллэстэн киинэ уһуллан саҕалаабыппыт. Айылҕаны харыстааһын, үтүө үтүөнэн төннөр уонна буллинг утары уопсайа 3 социальнай киинэ, 3 сюжет уһулбуппут.
Вожатайдарбыт Алёна Петровна уонна Анжелика Валерьевна станциянан оонньуу оонньоппуттара. Араас күрэхтээһиилэр буолбуттара. Кыайылаах хамаандаҕа 10 иһинээҕи валюта бэриллээччи.
Лааҕырга сөбүлээн сылдьыбытым, саамай сөбүлээбит күнүм «водный» (уулаах) диэн этэ, уунан ысыспыппыт уонна викториналаабыппыт. Аныгыс сылга эмиэ хайаан даҕаны сылдьыаҕым.
Снежана Яковлева, Майа Ф.Г. Охлопков аатынан оскуолатын
VII «а» кылаас үөрэнээччитэ, Мэҥэ Хаҥалас