Төрөөбүт ийэ тыл хас биирдии киһи олоҕун ситимниир, култууратын салайар аналлааҕын умнар табыллыбат.
Төрөөбүт тыл салгыы сайдарын туһугар көлүөнэттэн көлүөнэҕэ ахсаабат үлэ барыахтаах.
Ороһу орто оскуолатын үөрэнээччилэрэ төһө төрөөбүт тылларынан сыыс тылы туттубакка саҥаралларын бэрэбиэркэлиир сыалтан, улууска «Ийэ тыл» түмсүү салайааччыта Макаров Бурхалей, бу түмсүү актыыбынай кыттыылааҕа Варвара Васильевна Васильева кэлэн бардылар.
Лингвистика билимин дуоктара Нина Иванова, тыл билимин хандьытаата Филиппова Аина , Саха сирин «Ийэ тыл» түмсүүтүн салайааччыта Никитина Вилюяна оҥорбут оҕо төрөөбүт тылын билэр таһымын чинчийии ньыматын туттан Үөһээ Бүлүү улууһун оскуолаларын хабан күүстээх үлэни ыыта сылдьаллар.
Бурхалей Степанович, Варвара Васильевна Ороһу оскуолатыттан 58 оҕону кытта билистилэр, кэпсэттилэр. Кэпсэтии түмүгэ хойут биллэр диэн быһаардылар.
Алина Яковлева ,»Тымтык» эдкорпост,Ороһу.