Муус устар 22 күнүгэр, Дьокуускай куорат Н.И. Шарин аатынан 39 № дээх орто оскуолатыгар 5 «Г» кылаас уолаттара (кылаас салайааччыта Лена Дмитриевна Винокурова) Уус Алдан улууһун Суотту нэһилиэгэр баар «Доҕордоһуу» түмэл дириэктэрэ Айым Степанович Охлопковы кытта көрүстүлэр. Кылаас оҕолоро бу саас «Доҕордоһуу» түмэлигэр ыалдьыттаан, манна баар дириҥ ис хоһонноох тутуулары билсэн, экскурсияҕа сылдьан, сааскы сибиэһэй салгыҥҥа сүүрэн-көтөн, астынан кэлбиттэрэ.
Ыалдьыты көрсүү оскуолабыт экскурсиятынан саҕаламмыта уонна уолаттары кытта «Сайдыы. Сатабыл. Ситиһии» диэн ис хоһоонноох сэһэргэһии түһүлгэтэ тэриллибитэ.
Айым Степанович оҕо сааһын, бэйэтин оскуолатын санаан ылбыта. Кини сөбүлүүр предметэ физкультура уруога эбит. Уолаттарга анаан спорт олоххо, доруобуйаҕа ураты суолталааҕын бэлиэтээн ааста. Айым Степанович физика, математика хайысхатынан идэтин талан университетка үөрэммит эбит.
Салгыы кини хос эһэтин Өксөкүлээх Өлөксөй уонна Суотту «Доҕордоһуу» түмэлин төрүттээбит Суорун Омоллоон туһунан сиһилии кэпсээбитэ. Бу түмэли тэрийиигэ кини аҕата Степан Гаврильевич уонна ийэтэ Раиса Реасовна ураты суолталаахтар эбит.
Саша Федорова,
Оля Алексаеева
7 «Г» кылаас үөрэнээччилэрэ,
Н.И. Шарин аатынан 39 № дээх орто оскуолата, Дьокуускай