Үтүө күнүнэн, оҕолор! Мин аатым Айдын Босиков, Уус-Алдан улууһун Бороҕон орто оскуолатын v кылааһын ситиһиилээхтик бүтэрдим. “Өркөн” оҕону эбии үөрэхтээһин киинигэр «Анимушки» уруһуй куруһуогар сылдьабын. Иллэҥ кэммэр уруһуйдуурбун, уһанарбын, илиинэн оҥоһуктары оҥорорбун сөбүлүүбүн. Кыра эрдэхпиттэн таайбын көрөн элбэххэ үөрэммитим. «Бэлэм буол» сурунаалы сөбүлээн ааҕабын. Сурунаалым илиистэрин сүтэрбэт курдук закладканан бэлиэтэнэбин. Ол курдук эһиэхэ туостан кинигэ закладкатын хайдах оҥоһулларын көрдөрүөм.
Биһиэхэ наада: маҥан лиис, сырдык уонна хараҥа туос, килиэй, резак, бүргэс, илиниэйкэ, кытаанах киистэ, хатырыганан оҥоһуллубт кырааска, өтүйэ, кыптыый, прищепка.
1.Ыраас лиискэ шаблон оностобут.Шабломмутун сырдык туоска ууран бүргэһинэн уруһуйдуубут.
3. Ойоҕос оһуору резагынан, ортоку оһуору өтүйэнэн быһабыт.
4.Кытыы оһуордарын бүргэһинэн илиниэйкэни туһанан уруһуйдуубут
5. Хатырыгынан оҥоһуллубут кыраасканан закладкабыт ойоҕос оһуордарын киистэнэн сотобут.
6.Куурдан баран, инчэҕэй тэрээпкэнэн сотобут, оһуорбут хараарыахтаах.
7.Сырдык туоспутун хараҥа туоска килиэйдиибит, прищепканан туттаран баран куурда түһэбит.
8. Закладкабыт кэннитэ ыраас көстүүлээх буоларын курдук, сырдык туос быһан килиэйдиибит.
9.Закладкабыт бэлэм, кинигэ, сурунаал ааҕарбытыгар туһалаах тэрил буолуоҕа! Сайыҥҥытын туһалаахтык атаарыҥ!