Биһиги, Кэбээйи улууһун И.Е. Левин аатынан Танара орто оскуолатын II кылааһын үөрэнээччилэрэ, 2017 сыл күһүнүгэр «Кэскил» хаһыат тэрийиитинэн СӨ Бастакы Президенэ М.Е. Николаевка ыйытыы биэрбиппит. Юра Левченко: «Ханнык кинигэлэри ааҕаргын сөбүлүүгүн?». Сайыына Гуляева: «Кыра сылдьан ханнык оонньуурдарынан оонньуур этигиний?» диэн.
Онуоха Михаил Ефимович дойдуга бэриниилээх, герой дьон тустарынан ааҕарбын сөбүлүүбүн диэбитэ. Оттон иккис ыйытыыга: «Биһиги кыра сааспытыгар субу диэн оонньуур баарын өйдөөбөппүн. Бэйэбит таһырдьа араас сүүрүүлээх оонньуулары оонньуурбут»,—диэн хоруйдаабыта.
Бу күөн күрэскэ ситиһиилээхтик кыттыбыппыт иһин «Кэскил» хаһыаппытыттан Бочуотунай Грамотанан наҕараадаламмыппыт. Иллэҥ кэммитигэр «Россия – Моя история» диэн саҥа аһыллыбыт мусуойга экскурсияҕа сылдьыбыппыт. Бу тэрээһин биһиэхэ кыра эрдэҕинээҕи оҕо сааспыт саамай умнуллубат кэмнэриттэн биирдэстэрэ буолар.
Билигин биһиги Х кылааска үөрэнэбит. Эһиил оскуолабытын бүтэрэн, олох киэҥ аартыгар тахсыахпыт.
Сайыына Гуляева, Юра Левченко, Мукучу, Кэбээйи улууһа.
keskil14.ru