Саха тылын, сурук — бичик күнэ Хаптаҕай оскуолатыгар хомус тыаһынан алгыстаах алаадьыттан саҕаланна.
Оскуолаҕа киирдэххинэ саха тылын учуутала А.А. Колесова алҕаан алаадьынан күндүлээн көрүстэ. Бу күн оскуола үөрэнээччилэрэ, учууталлар бары сахалыы таҥастаах үөрэххэ кэллилэр.
Саха тылыгар анаммыт декадаҕа араас тэрээһиннэр ыытыллыахтара. Бүгүн линейка саха тылыгар, декада аһыллыытыгар ананна, төрөөбүт тылбыт туһунан иһитиннэрдилэр, төрөөбүт тылын билбэт, саҥарбат буоллахха омук быһыытынан сүтүөххэ сөбүн эттилэр, декадаҕа бары тэрээһиннэригэр көхтөөхтүк кыттарга ыҥырдылар. Кылаастарга бүгүҥҥү күн чэрчитинэн кылаас чаастара ыытылыннылар.
Уруоктар икки ардыларыгар төрүт остуол оонньуулара көрүдүөргэ тэнитиллинилэр. Олохтоох библиотекаҕа сахалыы диктант ыытылларыгар кыттыыны ыларга ыҥырдылар.
Карина Антонова,
Кустук медиа студия.