Олунньу 3 күнүгэр 7-9 уонна 10 кылаас үөрэнээччилэригэр «Өбүгэ оонньуулара» ХХ Фестиваль оҕолору чөл олоххо угуйар күрэх буолан ааста. Оонньууга оҕолор 8 түһүмэҕи биир тыынынан кытыннылар.
Улуус 12 нэһилиэк оскуолаларыттан 36 оҕо көхтөөх кыттыыны ыллылар.
Ол курдук, бэйэлэрин билиһиннэрдилэр, тутум эргийдилэр, хаамыскалаатылар, хабылыктаатылар, кылыылаан-куобахтаан ойдулар, 30 киилэлээх куулу көтөҕөн баран хаамтылар, мас тардыстылар, хапсаҕайдаан да ыллылар.
Сунтаар улууһугар «Өбүгэ оонньуулара» В. Н. Архипов тэрийиитинэн ыытыллар. Бу күрэхтэртэн сайданнар, 2021 сыллаахха Манчаары оонньууларыгар оҕолорго, улахан дьоҥҥо национальнай многоборьеҕа абсолютнай чемпион буолбуттара, хамаанданан бастаабыттара.
«Өбүгэ оонньууларын» уопсай түмүгэ:
7-9 кылаас, кыргыттар:
1 м. — Игнатьева Ньургустана, Күндэйэ;
2 м. — Иванова Александра, Кутана;
3 м. — Матросова Галина, Бордоҥ.
7-9 кылаас, уолаттар:
1 м. — Потапов Владимир, Мар-Күөль;
2 м. — Федоров Дмитрий, Күндэйэ;
3 м. — Иванов Николай, Кутана.
10 кылаас, кыргыттар:
1 м. — Ляшеева Марина, СПТЛ-И;
2 м. — Прокопьева Ньургустаана, Бордоҥ;
3 м. — Николаева Алина, СПТЛ-И.
10 кылаас, уолаттар:
1 м. — Удин Роберт, Бордоҥ;
2 м. — Сидоров Юлиан, Аллаҥа;
3 м. — Степанов Эрсан, Хоро.
Уопсай хамаанданан күрэх түмүгэ:
1 м. — Бордоҥ орто оскуолата;
2 м. — Күндэйэ орто оскуолата;
3 м. – Сунтаардаа5ы политехническэй лицей.
Күрэх түмүгүнэн кыайыылаахтар уонна призердар мэтээллэринэн уонна грамоталарынан на5араадаланнылар. Кинилэргэ үрдүк ситиһиилэри баҕарыахха.
Сунтаар улууһа