Саха сириттэн тоҕус оскуола Уһук Илин уокурукка үрдүк үөрэххэ киирээһин түмүгүнэн 20 бастыҥ оскуолалар истэригэр киирдэ. Ол туһунан Ил Дархан Айсен Николаев Telegram-ханаалыгар иһитиннэрдэ.
«Уһук Илин уокурук 20 бастыҥ оскуолалар рейтиннэригэр бастакы миэстэҕэ Республиканскай лицей-интернат ааттанна. Үһүс миэстэҕэ В.П. Ларионов аатынан Физико-техническэй лицей киирдэ. Маны таһынан сүүрбэ бастыҥ оскуолалар ахсааннарыгар киирдилэр: Дьокуускай куорат классическай гимназията, Дьокуускай куорат лицейа, 2 №-дээх национальнай политехническай орто оскуолата, А.Г. уонна Н.К. Чиряевтар ааттарынан Дьокуускай куорат национальнай гимназията, Дьокуускай куорат 31 №-дээх, 26 №-дээх, 17 №-дээх орто оскуолалара. Маладьыастар! Кытаатыҥ!», — диэн суруйар Ил Дархан Айсен Николаев.