Кулун тутар 15 күнүгэр М.Е. Васильева аатынан 2-с Малдьаҕар орто оскуолатыгар Саха сиригэр пионерия тэриллибитэ 100 сылыгар аналлаах пионердар түмсүүлэрэ буолан ааста.
Манна 5-6 кылаастар пионердара урукку кэм пионердарын Иванова З.С., Пудова Т.Е., Варламова Н.В., Макарова А.А. кытта көрүстүлэр. Кинилэр урукку пионерскай кэмнэрин ахтан-санаан, оҕолорго кэпсээтилэр. Бу күн үөрүүлээх быһыыга үбүлүөйдээх мэтээллэри туттардылар.
Оскуола музейын уонна пионерскай хамсааһынын салайааччыта Васильева М.Н. оҕолорго урукку пионерскай үлэни, герой оҕолор, артековецтар тустарынан кэпсээтэ. Пионердар рапорт дневниктэрин көрдөрдө.
Пионерскай түмсүү пионердар гимнэрэ буолбут “Взвейтесь кострами” ырыанан түмүктэннэ.
«Пионерия 100 сылынан» (Автор: Зинаида Иванова-Чөмчүүк)
«Барабан охсоммут,
Горн тыаһатаммыт,
Ырыалаах хаамсарбыт,
Костёр тула олорорбут.
Ойор-тэбэр оҕо сааспыт
Үтүө өйдөбүлү хаалларбыт,
Дууһалыын пионербыт,
Куруук, мэлдьи бэлэммит.
Сахам сиригэр бэлиэтиибит
Сүүс сыллаах үбүлүөйбүтун,
Сүрэхпитигэр илдьэ сылдьабыт,
Сэмэйдик — истиҥник саныыбыт.
Эһээ Ленин сиэннэрин
Эҕэрдэлиибин сэмэйдик,
Уруй-айхал буолуохтун,
Уруйдуубун истиҥник!»
М.Е.Васильева аатынан
2-c Малдьаҕар орто оскуолатын
медиакиинэ