Тыараһа нэһилиэгэр оскуола саастаах оҕолорго анаан буулдьанан ытыы икки көрүҥэр зачетнай комплекснай спартакиада күрэҕэ буолан ааста. Уопсайа 11 хамаанданан 45 кыттааччы күрэхтэстилэр.
Күрэх сүрүн соругунан ыччаты патриотическай иитии, национальнай уонна бүтүн Россиятааҕы буулдьанан ытыы, чөл олоҕу тутуһуу государственнай программаны олоххо киллэрии буолар.
Күрэх тэрийээччилэринэн Тааттатааҕы үөрэх салаатын дьаһалтата, Тааттатааҕы буулдьанан ытыы федерацията, Тааттатааҕы оҕо спортивнай оскуолата уонна Тааттатааҕы «Сатабыл» оҕо айымньытын дьиэтэ буолаллар.
Тааттатааҕы «Сатабыл» оҕо айымньытын дьиэтин «Толлуман» түмсүү иитиллээччилэрэ Бястинова Нария, Антипин Таттислан, Спиридонов Коля, Мосоркин Кэскил көхтөөхтүк кыттыыны ыллылар. Уолаттар «Куропатка» көрүҥҥэ 3 миэстэҕэ таҕыстылар, онтон Нария «ВП 20» көрүҥҥэ 3 миэстэни ылан үөрүүбүт үгүс!
Эҕэрдэбитин оҕолорбутугар уонна «Толлуман» түмсүү салайааччытыгар Октислава Владиславовнаҕа тириэрдэбит.
Октислава Владиславовна иитиллээчилэрин кылаастарын салаайаачыларын, физкультура учууталларын кытта ыкса сибээстээх, таһаарыылах үлэтин түмүктэрэ оҕолору, төрөппүттэри, коллегаларын өрүү үөрдэ турдуннар!
Медиа студия «Сатабыл»