Саха кыыһын кэрэтэ субуллар уһун суһуоҕар

Саха кыыһыгар айылҕа анаабыт ураты киэргэлэ субуллар суһуоҕа буолар. Чурапчы улууһугар ыытыллыбыт Оҕо аймах Үрүҥ Тунах ыһыаҕар “Толбоннурар уһун суһуох” куонкурус буолан ааста.

Кыыс оҕо сахалыы сиэринэн уһун суһуохтаах буоларын көҕүлүүр сыаллаах түһүлгэҕэ улуус уһуйааннарын, оскуолаларын кыргыттара, учууталлара, иитээччилэрэ кыттыыны ыллылар. Куонкурус биэс бөлөҕүнэн буолла: уһуйаан саастаах оҕолор; алын кылаас кыргыттара; орто сүһүөх  кыргыттара; үрдүкү сүһүөх кыргыттара; улахан дьон.

Куонкуруһу улууспут иитэр үлэҕэ дириэктэр сүбэһиттэрэ иилээн-саҕалаан, тэрийэн ыыттылар. Кыргыттар суһуохтарын уһунун “Бастакылар хамсааһыннара” Чурапчытааҕы салаатын специалиһа Тимур Семенович Смирников кээмэйдээтэ.

Кэрэчээн кыргыттар, эйэҕэс үлэһиттэр бары да баттахтарын наһаа үчүгэйдик көрүнэр эбиттэр. Куонкуруска уопсайа 52 уһун суһуохтаах кэрэ аҥаар кыттыыны ылла.

Чурапчы улууһун саамай уһун суһуохтаахтара кимнээх эбиттэрий?

Уһуйаан саастаахтарга
I үрдэл –Алиса Филиппова (“Улыбка” уһуйаан)
II үрдэл – Кэрэли Толстякова (Улахан Күөл)
III үрдэл –Айна Халгаева  (“Күнчээн”, Одьулуун)

Алын кылаас кыргыттара
I үрдэл – Сардаана Элясова (С.А. Новгородов аатынан Чурапчы орто оскуолата)
II үрдэл – Дана Поисеева, (Хайахсыт орто оскуолата)
III үрдэл – Вика Адамова (С.А.Новгородов аатынан Чурапчы орто оскуолата)

Орто сүһүөх кыргыттара
I үрдэл – Камелия Николаева, (С.А.Новгородов аатынан Чурапчы орто оскуолата)
II үрдэл – Арыйаана Сивцева, (С.К. Макаров аатынан Чурапчы гимназията)
III үрдэл – Диана Смирникова (Төлөй орто оскуолата)

Үрдүкү сүһүөх кыргыттара
I үрдэл – Алена Адамова (С.А. Новгородов аатынан Чурапчы орто оскуолата)
II үрдэл – Амелия Сивцева (Мугудай орто оскуолата)
III үрдэл – Нарыйа Сивцева (Мугудай орто оскуолата)

Улахан дьон
I үрдэл – Аина Иннокентьевна Софронова (С.А.Новгородов аатынан Чурапчы орто оскуолата)
II үрдэл – Сардаана Николаевна Гоголева (С.К. Макаров аатынан Чурапчы гимназията)
III үрдэл – Саргылана Прокопьевна Леонтьева (Хайахсыт орто оскуолата); Раиса Семеновна Сидорова (“Ньургуһун” оҕо саада, Хатылы)

Кэскилээнэ СИВЦЕВА, VIII кылаас,

С.А. Новгородов аатынан Чурапчы орто оскуолата