«Саха КВН сырдык суолга кынаттыыр».
(Айаал Морхоев, «Ситик» КВН хамаандата)
«Саха КВН» сайдыыта икки хайысхалаах: оскуола саастаах оҕолорго уонна ыччакка (устудьуоҥҥа) анаан. Салалта үгүс болҕомтону оскуола оҕолорун КВН – ыгар уурар. Ол сүрүн төрүөтүнэн КВН иитэр уонна үөрэтэр күүһэ буолар. КВН – ҥа культура уонна искусство бары кэриэтэ жанра хабыллар буолан, оҕону үгүс өттүттэн сайыннарар, иитэр, үөрэтэр кыахтаах….«Саха КВН» бүгүн – оҕо – аймах, ыччат улаханнык сэҥээрэр оонньуу – күрэҕэр кубулуйда.
Кэрэхсэбиллээҕэ диэн, бу сэргэх хамсааһыны үгүс оскуола, оҕо тэрилтэлэрин салайааччылара сөпкө өйдөөтүлэр уонна өйөөтүлэр, педагогтар уонна төрөппүттэр интэриэстэрэ сыллата дириҥээн иһэр.
«Саха КВН» сүрүн соруга – саха тылын баайын ыччакка төнүннэрии. Сахалыы КВН – ҥа кыттар оҕолортон кэнэҕэс сытыы, тобуллаҕас толкуйдаах, сахалыы сайдам тыллаах – өстөөх, омук бастыҥ баайын иҥэринэ сылдьар дьон үүнэн – силигилээн тахсыахтара.
КВН – ҥа оҕолор оонньуу үөрэнэллэригэр, КВН туһунан өйдөбүл ылалларыгар анаан Таатта улууһугар сылын аайы Саха КВН күрэҕэ ыытыллар үтүө үгэскэ кубулуйда.
Быйыл оҕолорбутугар «Саха КВН» улуустааҕы күрэх, олунньу 29 күнүгэр, Норуот айымньытын дьиэтигэр, сарсыарда 9 ч.саҕалаан хамаандалары редакциялыыртан саҕаламмыта. Барыта 11 хамаандаҕа 90 ча оҕо мунньустан илин – кэлин түһүстүлэр. «Саха КВН» оонньооччуларын дэгиттэр талааннарын, булугас өйдөрүн сыаналаата дьүүллүүр сүбэ маннык састаабынан:
- Филиппов Евгений Алексеевич, Өрөспүүбүлүкэҕэ оскуола оҕолорун КВН хамаандаларын сүрүннүүр редактора, дьүүллүүр сүбэ бэрэссэдээтэлэ.
- Егоров Айтал Леонидович, «Алаас Вегас» КВН хамаандатын хапытаана.
- Старостин Иван Вячеславович,Таатта улууһун ыччат уонна дьиэ кэргэн политикатын отделын салайааччыта.
- Тютрина Татьяна Алексеевна, Таатта улууһугар “Бастыҥнар хамсааһыннарын” олохтоох отделениятын салайааччыта.
- Сергеева Лилия Андреевна, Тааттыныскай нэһилиэк Сарыал культура уонна спорт сайдыытын Киинин уус уран салайааччыта.
Күрэх икки блогунан барда, ол эбэтэр саҥа саҕалааччылар. «Сымыыттарга» уонна сүрүн хамаандаларга арахсан оонньуу үрдүк таһымҥа ыытылынна. Тобуллаҕас толкуйдаах, сахалыы сайдам тыллаах – өстөөх хамаандалар түмсүүлээхтэрин көрдөрөн маннык миэстэлэргэ уонна анал ааттарга тигистилэр:
«Сымыыттарга»
1 м.- «Таатта чохторо», ХОК
2м.- «Ситикчээннэр», «Сатабыл» Оҕо айымньытын дьиэтэ
3м.- «Сайдам» ЫКСОШ№1
Сүрүн хамаандаларга
1м.- «Ситик», «Сатабыл» Оҕо айымньытын дьиэтэ
2м.- «Дьүлэй дьээбэлэрэ», ТКСОШ
3м.- «Кистэлэҥ дьон», ХАСОШ
Анал ааттар:
1.«Бастыҥ куолас»- «Дьүлэй дьээбэлэрэ», ТКСОШ
2. «Саха КВН эрэлэ»-«Кэнчээри» ХАСОШ
3. «Бэрт бэтиэхэ»-«Үөннэр» Лицей
4. «Наара суох»- «Бинкс» ЧСОШ
5. «Алтан Чуораан»- «Элэккэй» ЖСОШ
6. «Көрөөччүлэр биһирэбиллэрэ»-«Ситик», «Сатабыл» Оҕо айымньытын дьиэтэ
7. «Мэкчиргэ мэйии» — «Ленин сиэннэрэ» УоСОШ.
8. «Көрдөөх Көкөт» — Уранаев Дьулус «Ситик», «Сатабыл» Оҕо айымньытын дьиэтэ
9. «Күн Күлүүк» — Кузьмина Нарина «Дьүлэй дьээбэлэрэ», ТКСОШ
10. «Бастыҥ топер» — Егоров Володя «Ситикчээннэр», «Сатабыл» Оҕо айымньытын дьиэтэ
Таатта кэлэр кэскилэ – бары өттүнэн сайдыылаах, чөл олохтоох, айар – тутар куттаах буола үүнэригэр туһуламмыт үлэбит куруук ситиһиилээх буоллун!
Матрена Алексеева , педагог –организатор
Тааттатааҕы «Сатабыл» о5о айымньытын дьиэтэ