Театр Студия «Саха Kids» – Чыамыйыкы орто оскуолатыгар быйыл саҥа кружок тэриллибит. Салайааччыта Захарова Ольга Иннокентьевна. Театрбыт улахан уонна кыра группаҕа арахсар. Уопсайа 26 оҕо баар.
Биһиги студиябыт уратыта диэн, оҕолор бэйэбит салайааччыбыт өйөбүлүнэн, тугу көрдөрөрбүтүн, араас идеялары бэйэбит толкуйдуубут. Онтон «Среда возможностей» диэн конкурска кыттан, 500 тыһыынчалаах грант кыайыылааҕа буолбуппут.
Сэтинньи ый 10 күнүгэр улахан группа Аллара Бэстээххэ ыытыллыбыт «Олоҥхо Кидс — Олоҥхо оҕолоро» фестивальга баран, олоҥхобутун көрдөрөн, бастакы үрдэл буолан кэлбиппит. Олоҥхобут олоҕу билиҥҥилии көрүү туһунан буолар.
Билигин саҥа дьылбытыгар күүстээхтик бэлэмнэнэ сылдьабыт. Кыра группа оҕолоро бэйэлэрэ айан, уруһуйдаан таһаарбыт остуоруйаларынан постановка оҥорон көрдөрүөхтээхтэр. Улахан группа оҕолоро кинилэргэ күүс-көмө буолабыт уонна кыттыһабыт.
Өссө сайдыахпыт, элбэх ситиһиилэниэхпит диэн эрэллээхпин.
#средавозможностей #ФондТимченко
Копырина Азиза 10 кылаас, «Проба пера» корреспондена, Чыамайыкы Мэңэ-Хаңалас