Лөгөй лиссиэй-интэринээтигэр сэтинньи 30 күнүгэр бэлиэтэнэр дьүрүһүйэр тыастаах Саха хомуһун күнүгэр аналлаах тэрээһин чэрчитинэн биир кэлим хомус уруога ыытылынна. Саха хомуһун Аан Дойдуга аатырдыбыт виртуоз-хомусчут, Россия үтүөлээх артыыһа, оскуолабыт 1979 сыллаах выпускнига Бүөтүр О5отоойоп туһунан ахтыыны бииргэ үөрэммит үөлээннээҕэ , оскуолабыт советнига Т.М. Петухова дириҥ ис хоһоонноох ахтыыны оҥордо. П.П. Оготоев хомусчут быһыытынан оскуолаттан Аан Дойдуга тиийэ биллибитин ахтан туран, хомуска оонньуур видеотын көрдөрөн, П. П. Оготоев хомуска оонньуур суду талаанын сөхтүбүт.
Татьяна Михайловна түмүккэ, хомус күнүгэр ыытыллыбыт тургутук түмүгүн иһитиннэрдэ. Кыайыылаахтарга П.Оготоевы кытта бииргэ үөрэммит оҕолорун ааттарыттан харчынан бириистэри туттарбыттара. Түгэнинэн туһанан, бииргэ үерэммит оҕолоругар улахан махталбытын тиэрдэбит.
Биир кэлим хомус күнүгэр аналлаах уруогу 7 кылаас коллектива кылаас салайааччыта Колесова А.М. тэрийэн ыыттылар. Анастасия Михайловна Колесова бэйэтэ хомуска сүрдээх үчүгэйдик оонньуур буолан, кылааһын оҕолорун барытын хомуска оонньуурга үөрэтэр.
Оҕолор хомус тардыыга араас ньымалар баалларын билиһиннэрэн, интэриэһинэй маастар кылаас тэрийэн ыыттылар. Хомуска оонньоон иһитиннэрдилэр. Хомус уруогун, эппиэтинэстээхтик сыһыаннаһан үрдүк таһымҥа ыыппыттарын иһин 7 кылаас коллетивыгар уонна кылаас салайааччытыгар А.М. Колесоваҕа махталбытын тиэрдэбит! Өссө да маннык курдук тэрээһиннэр буолалларын күүтэбит!
Родион ПЕРЕВАЛОВ, SiTim LegMedia юнкора