Кулун тутар 19 күнүгэр «Муус устар» ыччат бэстибээлин ыалдьыта, «Этно — МЫ» трек хедлайнера, импровизатор-хомусчут, этно-музыкант Сергей Дубовиков «Бэс чагда» оҕо сынньанар киинигэр «Муус устар» медиафорум кыттыылаахтарын кытары көрүстэ.
Сергей Дубовиков 19 саастаах Нижний Новгород устудьуона. Кини лидер хаачыстыбалаах киһи буоларын кэпсэтии саҕаланыыта биллибит. Нижний Новгород уобалаһын 150 бастыҥ лидер ыччатын ахсааныгар киирсэр. Сергей повар-кондитер үөрэҕэр үөрэнэр уонна араас атын хайысхаҕа бэйэтин холонон көрөр. Олортон биирдэстэрэ — саха хомуһа. Кини олус талааннаах хомусчут. Сергей Саха сирин импровизатор-хомусчуттара Юлиана Кривошапкинаҕа уонна «Айархаан» этно-бөлөҕөр уһуйуллубут.
Аан бастаан 2019 сыллаахха этническэй музыкант Тюргэн Кам хомуска оонньуурун көрөн олус сэҥээрбит уонна хомуһунан дьарыктанарга санаммыт. Бу алта сыл устата талаанын сайыннаран импровизатор-хомусчукка тиийэ үүммүт.
Сергей Дубовиков Нижний Новгородка бэйэтин баҕатынан хомуһу сэҥээрээччилэргэ буор-босхо маастар-кылаастары ыытар. Ити курдук, нуучча уола саха национальнай инструменын — хомуһу атын омуктарга тарҕатар.
Эвелина Жданова, Хаҥалас орто оскуолатын 8 кылааһын үөрэнээччитэ.
«Ыллык» эдкорпост, Ньурба.
keskil14.ru