Антонина Гаврильевна уонна Николай Константинович Чирээйэптэр ааттарынан Дьокуускай куорат национальнай гимназиятын 4 кылааһын үөрэнээччилэрэ «Океан» лааҕырга «Орлята России» сменаҕа астына-дуоһуйа сылдьаллар. Бэҕэһээ оҕолор смена үөрүүлээх сабыллыытыгар бастакы нүөмэринэн тахсаннар, элбэх дьон биһирэбилин ыллылар.
Василий Николаевич Макаров, кылаас салайааччыта, кэпсиир:
— Биһиги, Россия өрүөлчээннэрэ, «Содружество Орлят России» диэн күрэххэ үс түһүмэҕи ааһан, кыайан, «Океан» лааҕырга барарга путевка сүүйбүппүт. Оҕолор бары бииргэ, биир сомоҕо буолан үлэлээн, билигин «Океан» лааҕырга 6 сменаҕа сылдьаллар. Сменабыт аата «Орлята России». Тэрээһин барыта «Орлята России» бырагыраама тректарынан барар. Уопсайа 34 үөрэнээччи, 1 наставник уонна мин, учуутал, буолан сылдьабыт.
Саамай улахан этэрээт биһиги этэрээппит. Атын этэрээттэр, бары холбоһон, биир этэрээккэ сылдьаллар. Бэҕэһээ смена сабыллыытыгар, оҕолорбут бастакы нүөмэринэн тахсаннар, элбэх дьон биһирэбилин ыллыбыт. Оҕолор астына-дуоһуйа сылдьаллар. Муора кытыла — кэрэ көстүү. Күөх тыа, хайалар — ураты туспа энергиялаахтар. Муораны, Эбэни, саха киһитин сиэринэн, аһатан сир иччилэриттэн күүс, көҥүл ыллыбыт.
Гимназиябыт, куораппыт, өрөспүүбүлүкэбит аатын ааттата сылдьабыт. Саха буоларбытынан киэн туттабыт!
Дьон биһирэбилин ылбыт, кутун-сүрүн долгуппут нүөмэртэн быһа тардыыны видеоҕа көрүҥ:
keskil14.ru