Сааскы каникул хаһааҥҥытааҕар да бэртээхэйдик, туһалаахтык, интэриэһинэйдик ааста. Иллэҥ кэммэр ыллыырбын сөбүлүүбүн. Бороҕоннооҕу оҕо оскусствотын оскуолатыгар баян кылааһыгар уонна ырыаҕа дьарыктанабын. Кулун тутар 30 кунүгэр А.Е. Кулаковскай аатынан культура дыбарыаһыгар буолбут «Светлый мир-2025» III өрөспүүбүлүкэтээҕи конкуруска Бороҕоннооҕу оҕо искусствотын оскуолатын «Дорҕоон» уолаттарын ансаамбыллара: Ларионов Ларион, Москвитин Сёма, Афанасьев Адриан, Атласов Ваня, Черкашин Петя, Алексеев Володя, Олесов Эрчим, Бочкарев Тимур ситиһиилээхтик кытынныбыт. Ырыабытыгар күүскэ бэлэмнэммиппит, долгуйбуппут. Күрэххэ 90 нүөмэр баара, ол иһигэр 16 вокальнай ансаамбылтан IV миэстэ буолан, 1 истиэпэннээх дипломант буолары ситистибит.Ону таһынан хорга ыллаабыппыт. Бу иннинэ Кэптэнигэ «Ыллаа-туой уол оҕо», Дьокуускай куоракка «Наследники Победы» өрөспүүбүлүкэтээҕи күрэхтэргэ 3 степеннээх лауреат буолбуппут. Салайааччыбыт Станислав Николаевич Луковцев.
Маны таһынан Муусука үрдүкү оскуолатыгар уонна оҕо искусствотын оскуолатыгар сырыттыбыт. Мууска үрдүкү оскуолата туспа дэриэбинэ курдук олороллор диэн соһуйдубут, интэриэһиргээтибит. Оттон оҕо искусстватын оскуолатын кылаастара киэҥин, инструменнара олус элбэҕин, аактабай саалалара үчүгэйин сөхтүбүт. Инникитин биһиги эмиэ баҕар манна үөрэниэхпит.
Каникулбут өссө биир сүрүн сырыыта — Кулаковскай аатынан култуура дыбарыаһыгар Анал байыаннай дьайыыга сылдьар саллааттарга көмөлөһөр тирэх пууҥҥа сылдьыыбыт буолар.
Манна эбээлэр маскировочнай сетка өрө сылдьаллара. Сорохтор уу бытыылкаларыгар кэмпиэт уган, хоруопкаларгауган саһылыы сылдьаллара. Биһиги кинилэргэ көмөлөһөн хоруопкалары таһыстыбыт уонна ырыа ыллаабыппыт. Эбээлэр олус үөрдүлэр уонна махтаннылар. Дьоҥҥо үтүөнү оҥорор уонна көмөлөһөр диэн олус улахан суолталаах. Сааскы сынньалаҥҥа элбэҕи билэн-көрөн, ырыа аптаах эйгэтин кытта өссө чугастык билсэн, ситиһиилэнэн үөрүүбүт икки бүк улаатта!
Москвитин Сёма,
II кылаас,
Мүрү 1-кы №-дээх орто оскуолата,
Уус Алдан