“Муус Устар-2024” өрөспүүбүлүкэтээҕи фестиваль сүүмэрдиир түһүмэҕэр “Саас” медиа форумҥа кыттыыны ылллыбыт. Форум Майаҕа ыытылынна.
Ф.Г. Охлопков аатынан оскуолаҕа биһигини ытыс үрдүгэр тоһуйан, сахалыы таҥастаах көрсүбүттэрэ. Ону бары наһаа сөбүлээтибит.
Биһиэхэ анаан олус интэриэһинэй үс маастар-кылааһы ыыттылар. Видео монтаһын ханнык программаларынан, хайдах киирэн оҥоруохха сөбүн туһунан кэпсээтилэр. Спортивнай комментатор, Алтан орто оскуолатын дириэктэрэ Степан Посельскай спортивнай күрэхтэһиилэри хайдах сырдатар туһунан интэриэһинэй баҕайытык кэпсээтэ. Сценарийы суруйуу туһунан эмиэ элбэҕи биллибит.
Биһигини кытта тэҥҥэ кыттыбыт хамаандалар, мин санаабар, күүстээх бэлэмнээх этилэр. Бары түргэн баҕайытык ити кыра бэриллибит бэриэмэҕэ олус бэрт үлэлэри оҥорбуттар.
Саамай сөбүлээбитим диэн 100-тан тахса оҕо бары бэйэ-бэйэбитигэр истиҥ сыһыаннаах этибит. Ол иһин да буолуо “Саас” форум миэхэ үтүө эрэ өйдөбүлү хааларда.
Алина ВАСИЛЬЕВА, Х “В” кылаас,
Г.В. Егоров аатынан Мүрү 1№-дээх орто оскуолата, Уус Алдан
Мин санаабар, форум олус туһалаахтык, үчүгэйдик ааста. Илин эҥэр улуустар оскуолаларыттан 20-тэн тахса хамаанда кыттыыны ылла. Олус талааннаах оҕолор бааллар эбит диэн көрдүм.
Мин хамаандабар ыытааччы буолан холонон көрдүм. Бэйэм санаабар, сатанна. Оҕолору кытта билистим. Уопут ылан, сэҥээрэн, сөбүлээн кэллим.
Ньургуйаана БУРНАШЕВА, Х “В” кылаас,
Г.В. Егоров аатынан Мүрү 1 №-дээх орто оскуолата, Уус Алдан