Үөһээ Бүлүү улууһун оскуолаларын икки ардыларыгар успуорт араас көрүҥнэригэр сылын аайы тиһигин быспакка ыытыллар буолан, физкультура учууталлара сыал-сорук оҥостон оҕолору бэлэмнииллэр, оҕолор кыайыылаах-хотуулаах кэлэллэрин иһин дьулуурдарын уураллар.
Саахымат күрэҕэр Ороһу орто оскуолатын үөрэнээччилэрэ Спиридон Иванов, Василина Иванова уонна мин буоламмыт иккис бөлөххө бастакы миэстэ буолан, оскуолабыт иккис бөлөххө бириистээх миэстэҕэ тахсарыгар наадалаах очукуону аҕалбыппытыттан астынабыт.
Инникитин күрэхтэһэр оҕолор ситиһиини хаҥатан иһэллэригэр баҕарабыт.
Валерий Ласточкин, «Тымтык» эдкорпост, Ороһу.