М.Н. Готовцев аатынан Танда орто оскуолатын үөрэнээччилэригэр үүммүт 2026 сыл ситиһиилээхтик саҕаланна. Ол курдук тохсунньу 12-14 күннэригэр Дьокуускай куоракка 30-с төгүлүн ыытыллыбыт «Инникигэ хардыы» научнай-практическай конференцияҕа Уус Алдан улууһуттан 54 оҕо кыттыыны ылбытыттан иккис турга 32 оҕо ааспыт. Биһиги оскуолабытыттан үс үөрэнээччиТуйаара Мамонтова (10 кылаас), Дарианна Шапова (11 кылаас) уонна Арсиэн Готовцев (7 кылаас) муниципальнай түһүмэҕи ааһан, өрөспүүбүлүкэҕэ кыттыыны ыллылар. Түмүккэ Готовцев Арсиэн 2-с степэннээх дипломант буолла уонна «Большие вызовы» Бүтүн Арассыыйатааҕы конференцияҕа кыттар ыҥырыыны тутта.
Онтон спорт тиэмэтигэр киирдэххэ, тохсунньу 15 күнүгэр ыытыллыбыт Уус Алдан улууһун үөрэнээччилэрин икки ардыларыгар саахымат күрэҕэр биһиги оскуолабыт үөрэнээччилэрэ эмиэ ситиһиилээхтик кытыннылар. Ол курдук Сидоров Айтал (2 кылаас) үһүс, Готовцев Арсиэн (7 кылаас) иккис, Готовцев Гаврил (3 кылаас) бастакы миэстэлэри ситистилэр.
Ону таһынан тохсунньу 16 күнүгэр улууспут киинигэр Бороҕоҥҥо сылын аайы ыытыллар «Көтөр мээчик» волейбол күрэҕин муниципальнай түһүмэҕэр оскуолабыт үөрэнээччилэрэ ситиһиилээхтик кытыннылар. 2011-2012 сс. төрүөх кыргыттар икки ардыларыгар уопсайа 10 хамаандаттан, үһүс миэстэни ылары ситистилэр.
Ити курдук саҥа сылбытын таһаарыылаахтык саҕалаатыбыт. Инникитин өссө да ситииһиилэр кэлэ турдуннар!
Снежанна ГОТОВЦЕВА, IX кылаас,
М.Н. Готовцев аатынан Танда орто оскуолата, Уус Алдан