Сахаттан биир бастакы үөрэхтээх, дириҥ прогрессивнай өйдөөх-санаалаах кыраайы үөрэтээччи, учуонай, суругу – бичиги, бэчээти, сырдыгы тарҕатааччы, көҥүлгэ тардыһар саха интеллигенциятин төрүттээччи Василий Васильевич Никифоров – Күлүмнүүр төрөөбүтэ 160 сылыгар аналлаах «Үс саханы үөрдэн, түөрт саханы төлкөлөөн…» дьиэ кэргэнинэн өрөспүүбүлүкэтээҕи кэтэхтэн биктэриинэ ыытыллар.
Балаһыанньата
2026 сыл ыам ыйын 18 күнүгэр сахатын норуотугар сырдык кэскили аҕалар туһугар олорон, үлэлээн, айан-тутан хаалларбыт, саха биир бастакы суруйааччыта Василий Васильевич Никифоров-Күлүмнүүр 160 сылын туолар. Уус-Алдан улууһун оҕо бибилэтиэкэтэ биир дойдулаахпыт аатын өрө тутан олоҕор, айар үлэтигэр аналлаах викторина тэрийэр. Биктэриинэ оҕо ааҕар, чинчийэр билиитин хаҥатан, саха литературатыгар сүҥкэн кылааты киллэрсибит сүдү киһибит олоҕун, айар үлэтин дириҥэтэн үөрэтэргэ туһаайыллар.
Сыала-соруга:
- Уһулуччулаах общественнай деятель В.В.Никифоров-Күлүмнүүр олоҕун, айар үлэтин кэнэҕэски ыччакка тиэрдии, киэҥ араҥаҕа таһаарыы;
- В.В.Никифоров-Күлүмнүүр литературнай айымньыларын уонна научнай – чинчийэр үлэлэрин дириҥник ааҕыыга, үөрэтиигэ, чинчийиигэ көҕүлээһин, толкуйдуур, ырытар сатабылларга уһуйуу;
- Күлүмнүүр үтүө аатын үйэтитии.
Ыытыллар кэмэ: 2026 сыл кулун тутар ый 27 күнүттэн – муус устар 30 ый күнүгэр диэри.
Кытталлар: 5-10 кылаас үөрэнээччилэрэ.
Түмүгү таһаарыыга учуоттанар:
- Викторинаҕа эппиэт толору, чуолкай, өйдөнүмтүө буолуохтаах.
Викторина ыйытыылара:
- В.В.Никифоров-Күлүмнүүр төрөөбүт сирин-уотун, алааһын ааттааҥ
- Күлүмнүүр үөрэх-билии аартыгын арыйарыгар бастакы төрүтү уурбут, кыымы сахпыт киһинэн, бастакы учууталынан кими ааттыырый ?
- Дьокуускайга прогимназияҕа үөрэнэ сырыттаҕына саха ыччаттарыгар анаан култуурунай-сырдатар үлэни ыыппыт политсыылынай кимий ?
- XIX үйэҕэ 1898 сыллаахха В.В. Никифоров Дьокуускай куоракка норуокка анаан, сырдыкка сирдиир, төлөбүрэ суох ханнык тэрилтэни аспытай?
- 1904 сыллаахха Дьокуускай куоракка буолбут олохтоох бэйэни салайыныы бастакы сьеһин В.В. Никифоров кимниин көҕүлээн, тэрийэн ыыппыттарай ?
- Хас сыллаахха, ханнык сахалыы бастакы сурунаалы уонна хаһыаты төрүттээн таһааттарбытай?
- Күлүмнүүр бэйэтин дьиэтигэр тэрийбит «Саха кулуубугар» аан бастаан сахалыы ханнык айымньыны туруорбуттарай ?
- Ханнык нуучча улуу суруйааччыларын пьесаларын сахалыы тылбаастаабытай ?
- В.В. Никифоров-Күлүмнүүр 1906 сыллаахха суруйбут сахалыы бастакы «Манчаары» драматическай айымньытыгар Манчаары оруолун аан бастаан ким оонньообутай ?
- Күлүмнүүр «Манчаары» драматын хас сыллаахха, хайа куорат кулуубугар интеллигенция иннигэр ааҕан иһитиннэрбитэй ?
- 27 сыл устата Василий Васильевич Никифоров-Күлүмнүүр сырдык аатын тилиннэриигэ турууласпыт киһини ааттааҥ ?
- «Беседа В.В. Никифорова с губернатором Якутской области И.И. Крафтом в доме купца А.Ф.Лепчикова» диэн хартыынаны 2003 сыллаахха ханнык худуоһунньук холустаҕа түһэрбитэй
- Арассыыйа историяҕа киирбит икки бастакы быыстапкатыгар Саха сирин көрдөрөр салаалары ситиһиилээхтик тэрийэн, хайҕанан турар. Хас сыллаахха уонна ханнык быыстапкаларга?
- «Күлүмнүүр» диэн псевдонимын суолтатын быһаар.
- В.В.Никифоров-Күлүмнүүргэ анаммыт пааматынньык ханна, хас сыллаахха аһыллыбытай ?
Викторина хоруйдарын 2026 сыл, муус устар 30 күнүгэр диэри Уус Алдан улууһун, оҕо библиотекатын detlib_uas@mail.ru электроннай аадырыска ыытаҕыт.
Кыттааччы толору аата, олорор улууһа, нэһилиэгэ, үөрэнэр оскуолата, кылааһа, төлөпүөнүн нүөмэрэ, салайааччытын толору аата, электроннай почтата ыйыллар.
Викторина түмүгэ «Кэскил» өрөспүүбүлүкэтээҕи оскуола оҕолоругар аналлаах хаһыакка тахсар. Кыттааччыларга барыларыгар туоһу сурук, кыайыылаахтарга грамота электроннай почтанан ыытыллар.
Уус-Алдан улууһун оҕо бибилэтиэкэтэ
Кэскил14.ру