Елена Павловна Григорьева, Бүлүүтээҕи оҕо балыыһатын сэбиэдиссэйэ, үрдүк категориялаах кардиолог бырааһын кытта кэпсэттибит. Оҕо доруобуйатын чөлүгэр түһэриигэ туох саҥа эмтиир ньымалар олоххо киирэллэрин, сүбэтин, бэйэтин көрүүлэрин үллэһиннэ.
— Үтүө күнүнэн, билигин оҕо доруобуйатыгар ордук ханнык ыарыы элбэҕэ дьиксиннэрэрий?
— Билигиҥҥи кэмҥэ оҕолор ордук харахтара уларыйыылаах, мөлтөҕө бэлиэтэнэр. Асаанкалара, систэрин уҥуоҕа токуруйуулаахтар, бу медосмотр түмүктэринэн куртахтара ордук ыалдьара билиннэ.
— Оҕо балыыһатыгар ханнык специалистар тиийбэттэрий?
— Билигин аҥардас идэлэр лор, офтальмолог, невролог суох буоланнар, киин улахан киһи поликлиникатыттан кэлэн көрөллөр.
— Ыарыыны кэмигэр быһаарарга ханнык саҥа оборудованиенан хааччыллан үлэлиигитий?
— Клинико-диагностическай лабораторияҕа элбэх саҥа аппараттар кэлбиттэрэ. Араас анализтары оҥороллор уонна ултьтразвуковой диагностикаҕа үрдүк таһымнаахтык көрөр ультразвуковой аппараттар кэлбиттэрэ. Онно араас уорганнары барытын көрөллөр. Кыра оҕолор төбөлөрүн көрөр, обургу оҕолорго щитовидная железа, сүрэх, ис органы барытын уонна тымырдарын көрүөххэ сөп. Оҕолорго компьютернай томограф кэлбитэ, онно эмиэ ыыталыыбыт. Бу саҥа кэлбит аппарат түөрт оройуону, чугас улуустары Үөһэ Бүлүүнү, Кэбээйини, Ньурбаны көрүөхтээх.
— «Земский доктор» эбэтэр атын программаннан үлэ хайдах барарый?
— «Земский доктор» быраастарга, «Земский фельдшер» программанан кэлэн ордук тыаларга үлэлии бараллар.
— Төрөппүттэргэ оҕо чаастатык ыалдьыбатын наадатыгар саамай үс ханнык быраабыланы сүбэлиэҥ этэй?
— Бастатан туран, сөптөөх режим — оҕо бириэмэтигэр утуйуохтаах, бириэмэтигэр сөпкө туруохтаах. Оҕо салгыҥҥа сылдьан хамсаныахтаах, дьиэҕэ, дьонноругар көмөлөһүөхтээх уонна физкультуранан дьарыктаныахтаах. Иккиһинэн, сибиэһэй аһылыгынан, эт, балык, фрукта, оҕуруот аһын сөптөөхтүк туһанан аһыахтаах. Үсүһүнэн, бу билигин оҕолор харахтара, асааҥкалара мөлтөөтө, ити барыта компьютертан, гаджеттан, телефонтан тутулуктааҕа биллэр. Онон кэмин көрөн туһаналларыгар баҕарыам этэ.
— Орто саастаах подросток оҕолорго тугу субэлиэҥ этэй?
— Бэйэлэрин режимнарын тутуһуохтарын, үөрэхтэригэр кыһаллыахтарын уонна халлаан уларыйыытынан сөптөөхтүк таҥныахтарын наада.
Настя Ботуева,
Айсена Кононова хаартыскаҕа түһэриитэ
Г.И. Чиряев аатынан Бүлүү 1-кы нүөмэрдээх
орто оскуола VII кылааһын үөрэнээччилэрэ