«МУУС УСТАР-2025» ыччат фестивалын иһинэн «Бэс чагда» лааҕырга кэлэн үөрэнэ, сынньана сылдьар юнкордар Бэчээт дьиэтигэр бара сырыттыбыт.
Медиа кииҥҥэ Саха Өрөспүүбүлүкэтин инновацияҕа, цифровой сайдыыга уонна инфокоммуникационнай технологияларга миниистирэ Василий Васильевич Ефимовы, «Сахабэчээт» медиа тэрилтэтиттэн Зинаида Григорьеваны, режиссер Александр Лукины кытта көрсүһүү буолла.
Василий Васильевич биһиэхэ креативнай экономика туһунан кэпсээтэ. Оҕолор ыйытыыларыгар эппиэттээтэ. Юнкор Харысхан Алексеев: «Медиа эйгэҕэ искусственнай интеллект хайдах дьайарый?» – диэн ыйытта. Бу ыйытыыга миниистир эппитин курдук, искусственнай интеллект көмөтүн медиа эйгэҕэ сөпкө толкуйдаан туһаннахпытына, ол үчүгэй. Бэлэми оҥорон биэрбитин бэрэбиэркэлээбэккэ, хайдах баарынан таһааран кэбистэххинэ, медиа суолтатын түһэрэбит. Онтон «Сахабэчээт» медиа тэрилтэ иһинэн үлэлии «Улус.медиа» сетевой таһаарыы редактора Зинаида Григорьева искусственнай интеллект кыаҕын үлэлэрин түргэтэтиигэ туһаналлар эбит.
«Сахабэчээт» Тимофей Сметанин уонна Яков Стручков «Мэхэлэчээн булчут кэпсээннэрэ» суруйбут айымньыларынан киинэ уста сылдьалларын туһунан режиссер Александр Лукин билиһиннэрдэ. Бу саха киинэтигэр биир уратытыта диэн саҥарар кыыллары уһулан көрдөрүү буолар. Киинэ улахан экраҥҥа быйыл тахсара күүтүллэр.
Ити курдук «Бэс чагдаҕа» кэлэн үөрэнэ, сынньана сылдьар «Кэскил» юнкордара олус туһалаах көрсүһүүгэ сырыттыбыт.
Снежанна ГОТОВЦЕВА, VIII кылаас,
М.Н. Готовцев аатынан Танда орто оскуолата, Уус Алдан