С.П. Данилов аатынан Бэрдьигэстээх орто оскуолатын 10-б кылааһын оҕолоро бэйэлэрин көҕүлээһиннэринэн «Пакет добра» акцияны олохтоон, 71 саастаах ытык бэтэрээни, Гаврильева Таисия Васильевнаны уулуссаҕа көрсөн, билсэн, «Южнай» атыы-эргиэн кииниттэн сөбүлүүр бородуукталарын атыылаһан биэрэн соһуччу бэлэҕи онордулар. Таисия Гаврильевна II-с гр. инбэлиит, өр сылларга бухгаалтырынан үлэлээбит. Күөрэлээхтэн төрүттээх ытык бэтэрээн оҕолорго өрүү маннык амарах сүрэхтээх буолан, үөрэхтэригэр ситиһиини баҕарда.
«Түмэн»оҕо хамсааһынын актыбыыстара «Көмүлүөк» кырдьаҕастар кулууптара тэриллибитэ 25 сыллаах үбүлүөйдээх тэрээһинигэр кыттан эҕэрдэ концеры көрдөрдүлэр, бэйэ оҥоһук открыткалары бэлэхтээтилэр.
С.П. Данилов аатынан Бэрдьигэстээх орто оскуолатын «Кэскил» медиа-оскуолата.