Быйыл сокуоннай саастарын туола илик оҕолор улуустааҕы хамыыһыйалара «Мин дьоллоох оҕо сааһы талабын” диэн социальнай видеоролик күрэҕин тэрийэн ыытта.
Күрэх тэрийээччилэрэ:
-КДН и ЗП
-Горнай улууһун полиция отделенията
-“Саха” НКИХ “Бэрдьигэс” Горнайдааҕы филиала.
Күрэх түмүгүнэн “Бастыҥ видеоролик” ааты сүктэ С.П. Данилов аатынан Бэрдьигэстээх орто оскуолатын 6-в кылааһын видеоролига. Кылаас салаайааччыта Туйгууна Терентьева кылааһын кытта видеоролигы устан монтажтаан оҥорбута.
“Бастыҥ сценарий” номинация кыайыылааҕынан «Кэскил» медиа-оскуола салайааччыта Айталина Санникова суруйбут сценарийа ааттанна. С.П. Данилов аатынан Бэрдьигэстээх орто оскуолатын 10-а кылааһын үөрэнээччилэрэ кыттан “Саха” НКИХ Бэрдьигэс Горнайдааҕы филиала социальнай видеоролигы устан бэлэмнээтэ.
Үөрэнээччилэргэ үрүҥ ас наборун олохтоох оҥорон таһаарааччы “Горнай Ас” ТХППК бэлэх быһыытынан уунна.
Тэрийээччилэр ааттарыттан кыайыылаах 6-в и 10-а кылаас оҕолоругар минньигэс бэлэхтэр туттарылыннылар.
Тэрийээччилэргэ уонна спонсордарга махтанабыт.
Видеороликтары манна көрүҥ:
«Кэскил» медиа-оскуола, Бэрдьигэстээх оскуолата.