Алтынньы ый 11 күнүгэр С.П. Данилов аатынан Бэрдьигэстээх орто оскуолатыгар биир үөрүүлээх күн буолла. Ол курдук оҕолор эргиччи сайдалларыгар, бэйэлэрин кыахтарын арыйалларыгар туһаайыллыбыт «Цифровой үөрэх эйгэтэ» бырагырааматынан анал кабинет үөрүүлээх быһыыга-майгыга аһылынна.
Анал кабинекка 28 ноутбук, 1 интерактивнай панель, 1 элбэх функциялаах тэрил, 30 саҥа остуол, олоппос ылыллан «Цифровой үөрэх эйгэтэ» бырайыак үлэтин саҕалаата.
Оскуолаҕа бырайыак олоххо киирэрин директоры информатизацияҕа солбуйааччы Арсен Алексеев уонна кини салайар математика, информатика учууталларын холбоһуга сүрүннүүр.
Бу курдук олоҕу кытта тэҥҥэ хардыылаан, үүнэр көлүөнэбит бары өттүнэн сайдарын туһугар аныгы ирдэбиллэргэ эппиэттиир эйгэ тэриллэрэ инникигэ көҕүлүүр төһүү буолар, үөрэнэр, үлэлиир кыаҕы үксэтэр.
С.П. Данилов аатынан Бэрдьигэстээх орто оскуолатын «Кэскил» медиа-оскуолата.