Биһиги, «Кэскил» медиа-оскуола юнкордара, Россия сентаторын Сахамин Миланович Афанасьевы кытта көрсөн кэпсэттибит.
Биир чаас устата буолбут кэпсэтииттэн мин элбэх саҥаны биллим. Федерация Сэбиэтэ диэн тугун, онно кимнээх үлэлииллэрин туһунан Сахамин Миланович кэпсээбитэ инники үөрэхпэр туһалаах буолуо дии саныыбын.
Мин Сахамин Миланович ханна үөрэнэн, ханнык идэни баһылаан үлэһит буолбутун туһунан интэриэһиргээн ыйыталастым.
Сахамин Миланович оскуола кэнниттэн Хабаровскай куоракка мединститукка туттарсыбыт эрээри баалынан хапсыбатах. Санаатын түһэрбэккэ производствоҕа үлэлии барбыт. Онтон үөрэх чааһыгар син биир эргийэн кэлэн, саха государственнай университетыгар горнай институкка туттарсыбыт. Эмиэ баала тиийбэтэх. Салгыы армияҕа сулууспалыы барбыт. Армия кэнниттэн син биир үөрэххэ киириэхтээхпин диэн санаатын ыһыктыбакка, Иркутскайдааҕы государственнай политехническай институкка туттарсан дьэ устудьуон буолбут.
– Мин туттарсарым саҕана эколог-инженердэри «тулалыыр эйгэни харыстыыр» идэлэргэ саҥа үөрэтэн саҕалаан эрэллэр этэ. Онно биэс сыл үөрэнэн специалист буолбутум. Мин үөрэниэхтээхпин диэн чочпу билэр этим. Ол да иһин үс төгүл туттарсан үөрэххэ киирбитим. Киһи баҕалаах буоллаҕына үөрэнэр, – диэн Сахамин Миланович хайдах устудьуон буолбутун туһунан кэпсээбитин сэргээтим уонна кини сыалын ситиһэр кытаанах майгылаах киһи эбит диэн түмүгү оҥоһуннум.
Оттон иккис ыйытыыбар оҕолорго тугу этиэн баҕарарын туһунан интэриэһиргээтим. Сахамин Миланович оҕолор үөрэх программатын үчүгэйдик иҥэриниэхтээхпитин, үчүгэй специалист буоларбыт туһугар билиҥҥэттэн кыһаллыахтаахпытын туһунан санаатын эттэ. Уонна: Төрөппүттэргитигэр, чугас дьонноргутугар туһалаах дьон буолуҥ”, – диэн баҕа санаатын тиэрдэр.
Уруйдаан ПАВЛОВ, VIII «В» кылаас,
П.Н., Н.Е. Самсоновтар ааттарынан Хатас орто оскуолата