Мин быйыл Аҕа дойду сэриитигэр аналлаах Т.Е.Сметанин айымньытыгар олоҕурбут «Рядовой Чээрин» диэн киинэни көрдүм. «Егор Чээрин» айымньыны VI кылааска сылдьан аахпытым. Тимофей Егорович Сметанин сэрии кыттыылааҕа буоларын быһыытынан, дьиҥ чахчы гына саха саллаатын уобараһын чаҕылхайдык арыйан көрдөрбүт. Сахалар фроҥҥа ордук бэргэн ытааччыларынан аатырбыттара. Киинэҕэ режиссер Дмитрий Кольцов Егор Чээрини үтүө майгытын, хорсун сүрэҕин итэҕэтиилээхтик арыйбыт. Оператор биһиги нэһилиэкпит кэскиллээх ыччата Айтал Никитин эбит. Бу киинэни мин наһаа сөбүлээтим. Түмүкпэр хорсун байыас – сэриигэ маладьыас киһи диэн түмүк санааҕа кэллим.
Сайан Павлов, VII кылаас
«Тыл баайа» медиакиин кэрэспэдьиэнэ
П.И. Караканов аатынан Мээндиги орто оскуолата, Амма улууһа