Дьааҥы улууһун Эҥэ орто оскуолатын үѳрэнээччилэрэ сылын ахсын Бүтүн Россиятааҕы олимпиада муниципальнай түһүмэҕэр ситиһиилээхтик кытыннылар.
Эҥэ оскуолатын киэн туттар үөрэнээччилэринэн Катя Аммосова уонна Соня Бурцева буолаллар.
Катя Аммосова — Ил Дархан Харыйатын быйылгы кыттыылааҕа. Оскуолаҕа бары тэрээһини ыытар бастыҥ тэрийээччи. Былырыыҥҥа диэри оскуола лидэрэ этэ. Быйыл 11 кылааска туйгуннук үөрэнэр. Саха тылын олимпиадатыгар муниципальнай этапка 1 миэстэлээх. Элбэх НПК кыттыылааҕа, өрөспүүбүлүкэҕэ даҕаны,улууска даҕаны, кэккэ ситиһиилэрдээх. Спорт күрэхтэһиилэригэр куруутун бириистээх миэстэҕэ сылдьар.
11 кылаас үөрэнээччитэ Соня Бурцева — быйыл муниципальнай олимпиадаҕа саха тылыгар, физикаҕа 3 миэстэлээх. «Инникигэ хардыы» региональнай НПК-ҕа лауреат үрдүк аатын ылла. Бары тэрээһиннэргэ көхтөөхтүк кыттар.
Кыргыттар оскуолаларын бүтэрэн, баҕалаах үөрэхтэригэр киирэн, олоххо суолларын булан, өрөспүүбүлүкэҕэ туһалаах дьон буолалларыгар баҕарабыт.
Ааптар: Екатерина Петровна Заровняева, «Саһарҕа» пост салайааччыта.