Олунньу 27-28 күннэригэр биһиги нэһилиэкпитигэр ыытыллыбыт «Развития моей малой Родины» (РММР) өрөспүүбүлүкэтээҕи стратегическай дьылабыай оонньуу чэрчитинэн урбаанньыт Надежда Ивановна Листиковаҕа сылдьан үлэтин-хамнаһын билистибит.
Кини түргэнник ситэр салаанан – куурусса иитиитинэн дьарыктанар. Хас да боруода кууруссаны иитэр: “легион”, “декалб”, “ломан браун” “броллер”.
Надежда Ивановна куурусса иитиитинэн дьарыктаммыта үс сылтан ордубут. Чоппуускалар төрүүр сирдэрин инкубаторы дьиэтин иһигэр сүрдээх табыгастаахтык оҥостубут. Чоппууска 21 күн инкубаторга сытан тахсыбытын кэннэ, кыһынын гаражка таһаараллар эбит. Хотуулларын күн аайы уларытар эбит. Кууруссаларын куҥҥэ иккитэ аһаталлар – сарсыарда уонна киэһэ. Биэс кууруссаҕа 4 киилэ аһылык барар, онтон чоппуускалар астарын, ууларын күнү быһа хонтуруоллуурун туһунан этэр. Ону таһынан нэдиэлэҕэ 2-3-тэ балык буһаран биэрэр эбэтэр боростуой комбикормтан хааһы оҥорон аһатар эбит. Кууруссаларын аһылыгар “Родное подворье” бурдук икки арааһын туттар эбит – сымыыттыыр кууруссаларга уонна чоппуускаларга аналлаах диэн.
2023 сылтан прямой поставщиктартан наар сымыытынан ылаллар эбит: «Саха сирин үрдүнэн поставщиктар өрөспүүбүлүкэ наадыйар дьонугар барытыгар биирдэ тиэйэн аҕалаллар. Ол сымыытын ылан, инкубаторга таһааттарабыт. Бастаан 20 сымыыттан саҕалаабытым. Ол түмүгэр 16 куурусса тахсыбыта – 2 куурусса, уоннааҕыта 14 бөтүүк этэ», – диэн кэпсиир.
Саамай элбэх сымыыты былырыын таһаарбыттар. 200-тэн тахса сымыыты сакаастаан, 120 кууруссаны уонна онтон ордуга эт буолар кууруссалар. Өссө 20 индюк сымыытын сакаастаабыттар. Саамай элбэх кууруссаны былыырын тохсунньу ыйтан муус устарга диэри инкубатордаабыттар – 20 индюк сымыытыттан 16-та тахсыбыт. Ону салгыы көрөн-истэн атыыга таһаарбыттар. Маны таһынан Надежда Ивановналаах эккэ диэн анаан кууруссалары таһааран нэһилиэнньэҕэ атыылыыллар. Онтон сымыыттыыр кууруссалартан бэйэлэригэр 20-тэн тахсаны хааллараллар, онтон ордугун эмиэ атыылыыллар – Хадаарга эрэ буолбакка, ыаллыы сытар нэһилиэктэргэ Хайахсыкка, Дириҥҥэ эмиэ. 2023 сыллаахха боруобаҕа диэн 45 бройлеры туруора сылдьыбыт. Бройлер 2-2,5 ыйынан түргэнник ситэр эбит. Дьоҥҥо амсата диэн дэриэбинэ иһигэр дьонугар-сэргэтигэр бэрсибит. Бройлер куурусса этэ сымнаҕас, биһиэхэ сөптөөх диэн быһаарбыт.
Надежда Ивановна кууруссалары, индюктары эрэ буолбакка ынаҕы эмиэ иитэр. Онон тыа сиригэр хаһаайыстыба тэринэн, бэйэ дьарыктаах буоларыгар кыах баар диэн санаатын үллэһиннэ.
Кира ГАВРИЛЬЕВА, IX кылаас, Айна БАНДЕРОВА, VIII кылаас,
С. Д. Флеготнов аатынан Хадаар орто оскуолата, Чурапчы
Иванна Николаева видеота, Х кылаас