Алтынньы 3 күнүгэр М.Е.Васильева аатынан 2 Малдьаҕар орто оскуолатыгар Учуутал күнүн көрсө 1972 с. тутуллубут 2 Малдьаҕар орто оскуолатын макетын сүрэхтэниитэ буолла.
Манна ыҥырыылаах бэтэрээн учууталлар, техүлэһиттэр, оскуола коллектива бары иһирэх тылынан үөрэммит-үлэлээбит кыһаларын санаатылар. Оҕолор бу дьоро тэрээһиҥҥэ эҕэрдэ ырыаларын бэлэх ууннулар, методическэй холбоһуктар бэлэмнээбит нүөмэрдэрин көрдөрдүлэр, оонньоттулар.
Урукку кэмнэри ахтан-санаан, көрүдьүөстээх да түгэннэри кэпсээн ылан, учуутал сыралаах үлэтин туһунан биһиги ытыктыыр дьоммут кэпсээннэригэр иһиттибит. Ол кэмнэргэ үлэлээбит салайааччылар, учууталлар, остолобуой үлэһиттэрэ, техүлэһиттэр үлэҕэ бэриниилээх сыһыаннарыгар махтанабыт.
Бу макеты оҥорторууга музей салайааччыта Васильева Марина Николаевна үлэлэстэ, макеты олус үчүгэйдик илиитигэр талааннаах Прокопьева С.Н. оҥордо. Бу макет «Оскуола — сайдыы аартыга, билии биһигэ» кинигэ атыытыттан киирбит үптэн төлөннө. Санатан этэр эбит буоллахха, Марина Николаевна бу номнуо иккис оскуола макетын оҥоттордо.
Күндүтүк саныыр оскуолаларбыт макеттара музейга тураллар, баҕалаахтар кэлэн көрүөххүтүн сөп.
Надежда Громова, эбии үөрэхтээһин педагога