Дьокуускайга кулун тутар 2-4 күннэригэр Ийэ сылыгар уонна Саха АССР тэриллибитэ 100 сылыгар аналлаах Саха сирин дьахталларын XV съезтэрэ уонна II Уһук Илиҥҥи дьахталлар форумнара ыытыллара турар.
Өрөспүүбүлүкэбит үбүлүөйдээх сылыгар ыытыллар үгэскэ кубулуйбут съезкэ уонна иккис төгүлүн ыытыллар Уһук Илиҥҥи дьахталлар форумнарыгар өрөспүүбүлүкэбит сайдыытын тутаах боппуруостара, ол иһигэр дьахталлар социальнай көҕүлээһиннэрин кытта сибээстээх «Демография», «Үөрэхтээһин», «Култуура», «Доруобуйа харыстабыла», «Экология», «Дьоҕус уонна орто урбааны уонна индивидуальнай урбааны өйөөһүн» национальнай бырайыактары олоххо киллэрии боппуруостара көрүллүөхтэрэ.
Кулун тутар 3 күнүгэр «»Үөрэхтээһин» национальнай бырайыага: үүнэр көлүөнэ сайдыытыгар уопсастыба кылаата» стратегическай сессията саҕаланна. Спикердарынан СӨ үөрэҕин уонна наукатын миниистирэ Ирина Любимова, СӨ Ил Түмэнин бэрэсэдээтэлин солбуйааччыта Антонина Григорьева, Оҕо айымньытын дыбарыаһын дириэктэрэ Мария Петрова буоллулар.
Сессия үлэтигэр кыттыан баҕалаахтар мероприятияякутии.рф саайтка киирэн холбонуоххутун сөп.
Бу сессияҕа делегатынан талыллыбыт Оҕо айымньытын дьиэтин старшай методиһа Матрена Говорова санаатын истиэҕиҥ: