Мэҥэ Хаҥалас улууһун Хаптаҕай орто оскуолатыгар сыллата ыытыллар бастыҥтан бастыҥ үөрэнээччилэри чиэстиир «Үрдэл -2021» тэрээһин олунньу 13 күнүгэр, төрөөбүт төрүт тыл, сурук-бичик күнүгэр, буолан ааста. Бу туһунан «Кустук» студия иитиллээччитэ, 9 кылаас үөрэнээччитэ Стручкова Сайаана суруйар.
Өрөгөйдөөх «Үрдэл-2021» кэрэ-бэлиэ тэрээһини оскуолабыт дириэктэрэ А.Е. Терентьев арыйда.
Тэрээһиҥҥэ үөрэх туйгуннара, бастыҥнара уонна араас хайысхаҕа ситиһиилээхтэр чиэстэнэллэр, наҕараадаланаллар. Оскуолабытыгар, уопсайа, 91ситиһиилээх үөрэнээччилээхпит, ол иһигэр 70 «4» уонна «5», 21 оҕо наар «5» сыанаҕа үөрэнэллэр. Ону таһынан спорт, уус- уран самодеятельность, оскуола актива, онтон да атын хайысхаҕа ситиһиилээх оҕолор бастыҥ номинацияҕа киирдилэр.
« Навстречу открытиям» номинацияны оскуола завуһа И.В.Кычкина Карина Васильеваҕа НПК-ҕа ситиһиилэрин иһин туттарда.
«За отличные знания» — Афанасьева Алена, туттарда оскуола дириэктэрэ Терентьев А.Е..
«Молодой хозяин земли» — Алексеев Эрнест, туттарда агроном Слободчикова М.М.
«Звезда сцены» — Стручков Никита, туттарда Иванова В.Н.
«Покоритель книжных вершин» -бастыҥ ааҕааччы Егорова Настя, туттарда бибилэтиэкэр Аммосова А.Е.
«Активная лидерская позиция» — оскуола лидера Стручкова Сайаана, туттарда дириэктэри иитэр улэҕэ солбуйааччы Ефимова И.И.
«Золотая кисточка»- бастыҥ худуоһунньук Иванова Лида, туттарда уруһуй кылааһын учуутала Егорова Е.П. туттарда. Лида бу күннэргэ Аан дойду таһымнаах «Фонд язык предков» күрэххэ кыайыылааҕынан ааттанна.
«Лучший мультимедийный журналист» — «Кустук» телестудиятын иитиллээччитэ Цыпандин Владиан, туттарда телестудия салайааччыта Яковлева Н.Н. Бу киэһээ Владиаҥҥа «Учитель ученических признаний» РФ Госдуматын депутата Ф.С.Тумусов тэрийбит күрэҕэр ситиһиилээх кыттыытын иһин Махтал сурук туттарылынна.
«Лучший спортсмен» — гиря спордунан ситиһиилээхтик дьарыктанар Адамов Валентин, туттарда физкультура учуутала Яковлев А.А.
Алын кылаас оҕолоругар туйгун, үчүгэй үөрэх иһин уонна эмиэ араас номинациялар туттарылыннылар. Ол курдук, «Юный исследователь» Зыков Ваня, «Золотая кисточка» Слободчиков Булат, «Юный спортсмен» Гермогенов Мичил, «Юный олимпиадник» Рудых Никита, «Лучший в творчестве» Ларионов Сайдам, «Алыптаах ааҕааччы» Ларионов Ларион буоллулар.
Бастыҥ үөрэнээччилэргэ бэлэхтэри бэлэмнээбит , оҕолорго үөрүүнү бэлэхтээбит нэһилиэкпит тэрилтэлэригэр, предпринимателларыгар, махталбытын тиэрдэбит .
Тэрээһин үөрүүлээх чааһын оскуолабыт 11 кылааһын бастыҥ үөрэнээччитэ Кэскил Антонов ыҥырыытынан түмүктээтэ. Салгыы оҕолору төрөппүттэр минньигэс тордунан күндүлээтилэр. Сыл бастыҥнарын чиэстиир «Үрдэл- 2021» тэрээһиҥҥэ чаҕылхайдар чиэстэннилэр, бастыҥнар ааттаннылар. Маннык сулустаах түгэн биһигини, оҕолору, өссө үрдүк ситиһиилэргэ, билиигэ-көрүүгэ сирдиир. 
