Учуутал күнүгэр Саха сирин Ил Дархана Айсен Николаев учууталларга үрдүк ааттары уонна наҕараадалары туттарар туһунан уураах баттаата.
Ол курдук, «Саха Өрөспүүбүлүкэтин Норуодунай учуутала» үрдүк аатынан Сунтаардааҕы политехническэй интэринээт-оскуола дириэктэрэ, СӨ уонна РСФСР үтүөлээх учуутала Олег Константинович Сосин наҕараадаланна. «Кини олоҕун аҥаарын оҕолорго анаата, бу үрдүк ааты кини ылара тоҕоостоох», — диэн Ил Дархан Айсен Николаев бэлиэтиир.
Ону таһынан, Өрөспүүбүлүкэтээҕи лиссиэй-интэринээт физика учуутала Лена Дмитриевна Федорова СССР норуодунай учуутала М.А.Алексеев аатынан судаарыстыбаннай бириэмийэтинэн наҕараадаланна.
Эҕэрдэлиибит!