Бэҕэһээ Н.Е. Мординов-Амма Аччыгыйа аатынан Харбалаахтааҕы үөрэхтээһин холбоһугар Пионерия 100 сыллаах үбүлүөйүн бэлиэтээһин үрдүк таһымҥа ааста.
В.С. Кривошапкина
Тэрээһиҥҥэ Харбалаах коллекционердарын түмсүүтэ, салайааччы Изабелла Викторовна Харлампьева кэлэн, интэриэһинэй быыстапканы тэрийэн, пионер оҕо саастарын туһунан ахтыы оҥорон дириҥ ис хоһоонноотулар. Оскуолабыт урукку пионер баһаатайа Татьяна Семеновна Севастьянова оҕолору речевкаҕа бэлэмнээбитин көрдөрдө, улуустааҕы тэрээһин туһунан билиһиннэрдэ. Тэрээһин түмүгэр Эллэй тылларыгар, Ольга Иванова матыыбыгар «Эдэр ленинецтэр ырыалара» ырыаны бары ньиргиччи ыллаатыбыт, «Пионерия 100 сыла» флешмоб оҥордубут. Бу сэргэх тэрээһини иилээн-саҕалаан тэрийбит дьоҥҥо Марианна Степановна Поповаҕа, Валентина Семеновна Кривошапкинаҕа, Варвара Павловна Трофимоваҕа, дириэктэр Владимир Владимирович Кривошапкиҥҥа, хаартыскаҕа түһэрэн үйэтиппит Ньургуяна Алексеевна Увароваҕа кэлэктиип махтала муҥура суох!Салгыы ыам ыйын 31 күнүгэр Пионерскай Кутаа тула сбор уонна туризм ыытыллара былааннанан бэлэмнэнии үлэ күргүөмнээхтик саҕаланна
В.С. Кривошапкина