2023 сыл Россия Президенэ Владимир Путин ыйааҕынан Уһуйааччы уонна аҕа сүбэһит сылынан биллэриллибитэ. Онон үөрэҕирии эйгэтигэр араас тэрээһиннэр ыытыллаллар.
Бу күннэргэ Үөһээ Бүлүү улууһугар «Я и мой наставник» диэн куонкуруска эдэр учууталлар уонна кинилэр аҕа сүбэһиттэрэ түмсэн «Инновационно-образовательный проект молодого учителя», «Методический лайфхак наставника», Педагогический ринг», «Грани таланта» түһүмэхтэринэн кытыннылар.
Биһиги оскуолабытыттан химия, география учуутала Анна Петровна Санникова уонна биология учуутала, СР үөрэҕириитин туйгуна Елена Ивановна Петрова ситиһиилээхтик кытыннылар.
Сонун бырайыактары кэпсээн, үлэ уопутун атастаһан, эриирдээх ыйытыыларга хоруйдаан учууталларбыт айымньылаах үлэлэрин, билиилэрин, сатабылларын, дьоҕурдарын көрдөрдүлэр.
Учуутал идэтин, үтүө аатын өрө тутарга туһуламмыт тэрээһиннэр маннык күннэтэ дойду үрдүнэн ыытылла тураллар.
«Эрчим» эдкорпост, Дүллүкү, Үөһээ Бүлүү.