Мэҥэ Хаҥалас улууһун Павловскай оскуолатыгар оҕолору үтүөҕэ, кэрэҕэ, сырдыкка, үөрэтэр-такайар 15 араас куруһуок үлэлиир. Сылын аайы, үөрэх дьыла бүтүүтэ, куруһуоктар отчуоттуур нэдиэлэлэрэ ыытыллар.
Оҕону иитиигэ-сайыннарыыга эбии үөрэхтээһин оруола улахан. Биһиги оскуолабытыгар сатабыл нэдиэлэтэ ааста. Бу сылга отчуоттуур нэдиэлэ ураты буолла.
“Сатабыл скиллз” диэн араас күрэхтэр ыытылыннылар: «ресторанное дело», «хакатон», «выжигание по дереву», «гончарное дело», «дизайн интерьера», иис, архитектура. Манна оҕолор сатабыллара үрдээбитэ көһүннэ.
“Дьэрэкээн эйгэ” диэн эбии үөрэхтээһин киин үөрэнээччилэрин отчуоттуур кэнсиэринэн түмүктэннэ. Араас куонкурустар, көрүүлэр лауреаттара, дипломаннара бары бииргэ ыллаан дьиэрэттилэр, үнкүүлээн тэйдилэр. 
Кэнсиэргэ сыл устата ситиһиилээхтик үлэлээбит куруһуоктар ырыалара, үҥкүүлэрэ, муода, «КВН» нүөмэрдэрэ киирдилэр. Ону тэҥэ оҕолор уус уран оҥоһуктарынан быыстапката турда.
Бары куруһуок үлэлэрэ холбуу тутуллан, дьүөрэлэһэн ис-иһиттэн сэргэх, кэрэхсэбиллээх тэрээһиннэр аастылар.
Оксана Петрова, X кылааc.