Улууспут киинигэр Аллараа Бэстээххэ саҥа аһыллыбыт паруснай спортка олимпийскай чемпион Тимир Пинегин аатын сүгэр «ПАРУС» спортивнай комплекска бассейнҥа сөтүөлээн, доруобуйабытын тупсаран, сынньанан кэллибит. Аныгылыы киэҥ куоҥ уораҕайы көрөн астынныбыт.
Биир чаас биллибэккэ ааста. «Юнармия» внеурочнай дьарык салайааччыта Балаганчиков Николай Яковлевич уонна кылааспыт салайааччыта Сивцева Алёна Робертовна бэртээхэй сынньалаҥ тэрийдилэр. Учууталларбытыгар уонна төрөппүттэрбитигэр махталбытын тиэрдэбит. Үөрэх дьыла бүтүөр диэри өссө сөтүөлүү барыахпыт диэн эрэнэбит.
Петрова Алгыстаана, В. Н. Оконешников аатынан Павловскай орто оскуолатын 5 «В» кылаас үөрэнээччитэ