Павел Пивоваров, 11 кылаас, И.Г. Тимофеев аатынан Майа лицейэ
Ситиһиилэрэ:
- Технология предметигэр бүтүн Арассыыйатааҕы үөрэнээччилэр олимпиадаларын региональнай түһүмэҕин кыайыылааҕа;
- 3Д технологиялар бүтүн Арассыыйатааҕы, өрөспүүбүлүкэтээҕи олимпиадаларын финалиһа;
- «Техновызов» Арассыыйатааҕы күрэх өрөспүүбүлүкэтээҕи түһүмэҕин кыайыылааҕа;
- «Черчение-международный язык технологии» бүтүн Арассыыйатааҕы күрэс кыайыылааҕа;
- «Перспектива» Арассыыйатааҕы научнай-практическай кэмпириэнсийэ финалиһа.
— Бэйэҥ тускунан кэпсээ. Иллэҥ кэмҥэр тугунан дьарыктанаҕыный?
Иллэҥ кэммэр комьютерга оонньуубун, дьиэҕэ кыра наадалаах тэриллэри 3D принтер көмөтүнэн бэчээттиибин. Дьиэ кэргэммин кытта айылҕаҕа, окко, куска, балыкка сылдьарбын сөбүлүүбүн. Аҕабынаан, эһэбинээн техника араас көрүҥүн өрөмүөннээн, ситэрэн саҥа тыыннаан биэрэринэн дьарыктанабыт.
— Сыалларгын ситиһэргэр эйигин туох көҕүлүүрүй?
Ситиһиигэ миигин хас да дьыала көҕүлүүр. Бастатан туран — интэриэс. Иккиһинэн, үлэлэринэн элбэҕи ситиспит төрөппүттэрим, наставниктарым холобурдара. Уонна саамай кылаабынайа билии-керүү сыралаах улэ бэйэм эрэ буолбакка Өрөспүүбүлүкэм олоҕун үчүгэй өттүгэр уларытыан сөп диэн итэҕэйии. Мин туһалаах буолуохпун уонна бэйэм кылааппын киллэриэхпин баҕарабын.
— Ил Дархан Харыйатыгар дэлэгээт уонна стипендиат буолар эйиэхэ туох суолталааҕый?
Бу улахан чиэс уонна улахан эппиэтинэс. Бэйэбин эрэ буолбакка, оскуолабын, улууспун эмиэ сырдатар. Бу үөрэххэ ситиһиилэрбинэн эрэ буолбакка, олоххо көхтөөх сыһыаным эмиэ бэлиэтэниитэ. Эппиэтинэс – тоҕо диэтэххэ, билигин бу үрдүк ааты ситиһиэхтээхпин, өссө күүскэ дьулуһуохтаахпын, сөптөөх холобур буолуохтаахпын.
— Инники былааннарыҥ, талаары сылдьар идэҥ туһунан сырдатыаҥ дуо?
Мин IT уонна медицина эйгэтигэр тардыһабын, ордук биопротезирование уонна 3D-моделирование көмөтунэн органнары оҥоруу. Дойду бастыҥ үнүбүрсүтүөтүгэр киирээри информатика, химия эксээмэннэригэр бэлэмнэнэ сылдьабын.
— Оскуола үөрэнээччилэригэр баҕа санааҥ.
Билиигэ тардыһыыгытын, кыаххытыгар итэҕэйэргитин хаһан да сүтэрбэккитигэр баҕарабын. Үрдүк сыаллары туруорунартан куттанымаҥ уонна кун аайы кыра, ол эрээри эрэллээх хардыыларынан ол диэки баран иһиҥ. Учууталларгытын, төрөппүттэргитин, доҕотторгутун сыаналааҥ – кинилэр өйөбүллэрэ ураты күүс. Үөрэххэ эрэ буолбакка, сөбүлүүр дьарыккытыгар, спортка, дьону кытта алтыһарга бириэмэтэ аттарыҥ! Төрүттэргитин өйдөөҥ, дойдугутунан киэн туттуҥ!
Бэйэҥ тускунан 5 этиинэн кэпсээ:
1. Дуобатынан дьарыктанабын, бастакы Өрөспүүбүлүкэтээҕи мэтээлбин 4 сааспар аҕалбытым;
2. 13 сааспар мотоциклы ыытарга уонна алдьаммыты ыһан баран оҥорорго үөрэммитим;
3. Алын кылааска үөрэнэр кэммэр спортивнай бальнай үҥкүүгэ Өрөспүүбүлүкэҕэ, улууска бастыыр этим;
4. Быйыл сваркаҕа, болгаркаҕа, токарнай станокка үөрэнэн эһэбин кытта тыаҕа сылдьар мотоцикл онордум;
5. 2025с. Санкт-Петербурга X Россиятаа5ы «3D-моделирование и прототипирование» хамаанданан инженернэй олимпиадаҕа бастакы буолары ситиспиппит;