Уус-Алдан улууһун Уһун-Күөл орто оскуолатын кырачаан маҥнайгы кылааһын үөрэнээччилэрэ «Дьоһуннааҕы кэпсэтии» сахалыы уруоктарыгар олус сөбүлээн үөрэнэллэр, «Кэскил» хаһыат таһаарар «Дьоһуннааҕы кэпсэтии» балаһатыгар тахсар олус баай, туһалаах интерактивнай матырыйаалларын хото көрөллөр, туһаналлар.
Патриотическай тыын өйдөбүлэ саҥа уһуктан эрэр кырачаан дьонугар, Аҕа Дойдуну көмүскээччилэр күннэригэр аналлаах «Дьоһуннааҕы кэпсэтии» олус сэргэх, туһалаах буолбутун бэлиэтээтибит. Бэрт олохтоох, сэргэх кылаас чааһа ааспытыттан астынныбыт.
Кылаас салайааччыта Россия Федерациятын үөрэхтээһинин бочуоттаах үлэһитэ, Саха Республикатын үөрэҕириитин туйгуна, 1 Өспөх нэһилиэгин бочуоттаах олохтооҕо Зинаида Петровна Иванова.
Зинаида Петровна баай ис хоһоонноох, ураты методикалаах уруоктардаах, хас биирдии оҕо психологиятын таба таайан, оҕону араас өттүттэн иитэн, киһи киһитэ оҥорон таһаарар учууталбытыгар махталбыт муҥура суох диэн тиэрдэллэр төрөппүттэрэ, оҕолоро.
Дьоһуннаах маҥнайгы кылаас үөрэнээччилэрэ Сахабыт сирин олохтоохторугар сырдык ыраас халлааны, иллээх-эйэлээх олоҕу, чэгиэн доруобуйаны баҕара хаалаллар.
Уус-Алдан улууһун
Уһун-Күөл орто оскуолата