Олунньу 11 күнүгэр А.А.Пахомов аатынан Тиэлиги орто оскуолатыгар үөрүүлээх быҺыыга-майгыга меценаппыт, попечительбыт Александр Алексеевич Пахомовка аналлаах декада түмүктэниитин тэрээҺинэ ыытылынна.
ТэрээҺин үөрүүлээх чааҺыгар декада устата араас таҺымнаах олимпиадаларга, ааҕыыларга, күрэхтэргэ ситиҺиилээхтик кыттыбыт үөрэнээччилэр грамотанан, дипломунан наҕараадаланнылар. Ону тэҥэ, декада устата элбэх «туйгун» сыананы ылан «Бастыҥ үөрэнээччи күннүгэ» кыайыылааҕынан алын кылаастартан Еремей Алексеев (4 кылаас), орто сүҺүөх үөрэнээччилэриттэн — Захарова Амелия (8 кылаас), үрдүкү сүҺүөхтэргэ 10 кылаас үөрэнээччитэ Ангелина Иванова ааттаныллар.
ТэрээҺин чэрчитинэн Александр Алексеевич Саха Өрөспүүбүлүкэтин үөрэҕин министра Н.А. Соколова туруорбут соругар олоҕуран биҺиги оскуолаҕа профориентационнай үлэни күүҺүрдэр сыалтан Р.И. Брызгалов аатынан транспортнай техникум директорын Иннокентий Афанасьевич Оконешниковы, П.И. Дудкин аатынан сибээс уонна информационнай технология колледжын директорын Гаврил Иннокентьевич Семенову кытары үөрэнээччилэри көрсүҺүннэрдэ. Иннокентий Афанасьевич, Гаврил Иннокентьевич үөрэнээччилэргэ үөрэх суолтатын, үөрэххэ киирии ирдэбиллэрин, үөрэх салааларын билсиҺиннэрдилэр, ыйытыыларга эппиэттээтилэр. Бу үөрэх кыҺаларыгар үөрэнээччилэри билсиҺэ, көрө-истэ, инникитин туттарса кэлэллэригэр ыҥырдылар.
Ону таҺынан бу үөрэх тэрилтэлэрин кытары бииргэ ситимнээхтик үлэлэҺэргэ дуогабар илии баттанна, үлэ былаана торумнанна.
А.А.Пахомов аатынан Тиэлиги орто оскуолата, «Хомпу» медиакиин, Мэҥэ Хаҥалас