А.Е. Кулаковскай-Өксөкүлээх Өлөксөй «Оттоку олук алгыһа» диэн айымньыта саха олоҕун философскай өйдөбүлүн көрдөрөр. Бу алгыска автор киһи аймах сири кытта сибээһин, көлүөнэлэр утумнаһыыларын, айылҕаны кытта дьүөрэлэһиини уонна үтүөҕэ дьулуһууну көтөҕөр.
Саха литературатын төрүттээччи Өксөкүлээх Өлөксөй баай тылынан билиитин манна көрдөрөр. Айымньы кэлэр кэнчээри ыччакка олох оҥостон, дьиэ кэргэн тэринэн, күрүө муҥунан сыспай сиэллээҕи, хороҕор муостааҕы ииттэн, саха омук аатын ааттатар үтүө киһи буол диэн алгыс тылларын аныыр. Автор сиэр-туом поэзиятыгар майгынныыр үөрүүлээх, үрдүк сүһүөҕү туһанар. Өбүгэлэри кытта ситимнэһэн, чэгиэн-чэбдик буолуу, элбэх ыччат, баай-дуол олох, куһаҕан күүстэртэн көмүскэнии баҕалара бэриллэн, олох күүһүн бигэргэтии буолаллар. Бу айымньы үгэс буолбут сыаннастары айарга, харыстыырга туһуламмыт күүстээх энергетическэй алгыс.
«Оттоку олук алгыһа» — төрүт суолтатын, дьиэ кэргэн сылааһын уонна киһи тулалыыр эйгэтин кытта дьүөрэлэһэн киһи буолуу үйэлээҕи суолталааҕын санатар, саха литературатын уһулуччу холобура. Айымньы үйэлээҕи толкуйга көҕүлээн, дириҥ иэйиилээх хардыыны хаалларар.
Айылана Николаева, X кылаас үөрэнээччитэ,
И.Г. Тимофеев аатынан Майа лиссиэйэ.
keskil14.ru