Бүгүн РФ Үөрэҕирии министиэристибэтин өйөбүлүнэн быйыл Россия оскуолаларын бүтэрээччилэр «Выпускной-2020» онлайн-бырааһынньыкка түмсүөхтэрэ.
Өрөспүүбүлүкэ оскуолаларын быйыл бүтэрэр үөрэнээччилэри «ВКонтакте» vk.com/minprosvet Интернет ситимигэр бырааһынньыктааҕы бырагыраамаҕа Москва бириэмэтинэн 12.00 чааска ыҥырабыт.
Выпускниктары Россия Президенэ Владимир Путин эҕэрдэлиэҕэ. РФ Үөрэҕириитин миниистирэ Сергей Кравцов, регионнааҕы миниистирдэр, биллиилээх педагогтар, оскуолалар дириэктэрдэрэ, үрдүк үөрэх кыһаларын ректордара уонна төрөппүттэр бэйэлэрин эҕэрдэлэрин, баҕа санааларын тиэрдиэхтэрэ.
Москва бириэмэтинэн киэһэ 18 чааска «ВКонтакте» социальнай ситимҥэ «Основной выпускной» бырааһынньыктааҕы кэнсиэр саҕаланыа.
Киэһээҥи бырагыраама «Алые паруса» бэстибээлинэн түмүктэниэ.
Сиһилии vk.com/minprosvet ситимҥэ билсиэххитин сөп.⠀
«Кэскил» издательствоны кытта ыкса ситимнээхтик үлэлиир оскуолалар 11 кылаастарыгар анаан тиһэх чуораан тыаһаабытын бу хаартыскалартан көрүҥ.
Дьааҥы Боронугун оскуолатын 8 оҕо бүтэрдэ. Кыһыл көмүс мэтээллээхтэр — Егор Юмшанов, Афанасий Потапов. Зоя Аммосова, Семен Слепцов, Анатолий Горохов үчүгэй сыананан түмүктээтилэр. Кылаас салайааччыта — С.Н.Горохова.
Алдан улууһун Хатыыстыыр оскуолатын оҕо бүтэрдэ. Кылаас салайааччыта — Н.М.Карамзин. Кыһыл көмүс мэтээллээх — Снежана Корнилова, үчүгэй сыананан Евгения Иванова, Аина Руфова, Света Петрова түмүктээтилэр.
Сунтаар Күүкэйигэр 12 оҕо бүтэрдэ. Кылаас салайааччыта — Т.Л.Львова. Сахая Александрова туйгун, Айхал Львов, Наташа Тимофеева, Олеся
Андреева ударник буоллулар. 5 оҕо үрдүккэ туттарсаары, ЕГЭ туттарар.
Абый Сыагааннааҕар 5 оҕо бүтэрдэ. Кылаас салайааччыта- Н.Г.Дохунаева. Кыһыл аттестааттаах Екатерина Федорова. 
Кэбээйи орто оскуолатын 8 оҕо бүтэрдэ. Кыһыл көмүс мэтээллээхтэр — Ньургун Иванов, Василиса Кобякова, Алеша Максимов, Игнат Протопопов, Вася Стручков. Кылаас салайааччыта — М.И.Федотова. Алын кылааска үөрэппит учууталлара — С.И.Терехова, А.С.Терехова.
Кэбээйи улууһун Танара оскуолатын 18 оҕо бүтэрдэ. Кылаас салайааччыта — Л.А.Егорова. Кыһыл көмүс мэтээллээх -Гордей Павлов. 
Бүлүү улууһун Баппаҕаайы оскуолатын 7 оҕо бутэрдэ. Кылаас салайааччыта — У.Н. Никифорова. Кыһыл көмүс мэтээллээх — Зоя Иванова.
Өрөспүүбүлүкэ оскуолаларын бүтэрээччилэри бэйэлэрин көхтөөх үҥкүүлэринэн эҕэрдэлииллэр Үөһээ Бүлүү Дүллүкү оскуолатын чаҕылхай уолаттара! Күндү оҕолор, барыгытыгар дьолу-соргуну, үчүгэй үлэһит, ийэ-аҕа буолан, бар-дьоҥҥутугар көмө-тирэх буоларгытыгар баҕарабыт! Алгыстаах айаны!