Муус устар 17 күнүгэр Улуу Кыайыы 80, Баһылай Манчаары төрөөбүтэ 220 сылларыгар аналлаах оскуолалар тыйаатырдарын туруоруутун көрүү күрэҕэ Аллараа Бэстээххэ буолан ааста. Мэҥэ Хаҥалас улууһун үгүс оскуолара Улуу Кыайыы, Аҕа дойду Улуу сэриитин тиэмэтигэр испэктээкил көрдөрдүлэр. Барыта 18 кэллэктиип кытынна. Дьүүллүүр сүбэҕэ Мэҥэ Хаҥалас улууһун култуураҕа салалтатын специалиһа, дьүүллүүр сүбэ бэрэссэдээтэлэ
Наталия Гаврильевна Пахомова, Аллараа Бэстээх култуура дьиэтин режиссера, «Сыккыс» народнай театр режиссера, Саха Өрөспүүбүлүкэтин култууратын туйгуна Мария Сергеевна Владимирова, оҕо, ыччат хамсааһынын педагог-наставнига, «Кэрэли » улуустааҕы оҕону эбии үөрэхтээһин сүрүннүүр педагога
Гаврильева Любовь Ивановна, «Мэҥэ кэскилэ» патриотический иитиигэ тирэх киин салайааччыта, «Оҕо саас сирдьиттэрэ » федеральнай бырайыак улуустааҕы координатора
Монастырева Марианна Дмитриевна бааллар.
Түмүккэ алын кылаастарга үһүс миэстэни В.Н. Оконешников аатынан Павловскай оскуолата ылла. Иккис миэстэ И.Г. Тимофеев аатынан Майа лиссиэйэ буолла. Кыайыылааҕынан В. П. Ларионов аатынан Майа оскуолата ааттанна.
Булкаас кылаастарга Т.Г. Десяткин аатынан Тумул оскуолата үһүс миэстэ буолла. 2 миэстэни Төхтүр оскуолата ылла. Кыайыылааҕынан Кеша Алексеев аатынан Хаптаҕай оскуолата буолла.
Үрдүкү кылаастарга үһүс миэстэни А.С. Шахурдин аатынан Төҥүлү оскуолата, иккиһи А.В. Чугунов аатынан Мэлдьэхси оскуолата ыллылар. Онтон кыайыылааҕынан Н.Д. Неустроев аатынан Бэдьимэ оскуолата буолла.
Марианна МИРОНОВА
Диана Пинигина видеота
И.Г. Тимофеев аатынан Майатааҕы лиссиэй
IX кылааһын үөрэнээччилэрэ
keskil14.ru