Алтынньы 16 күнүгэр Дьокуускай куоратын 17 нүөмэрдээх орто оскуолатыгар ураты күн буолла. Көрүдүөргэ маҥан халааттаах оҕолор мустубуттар. Күндү ыалдьыттар тиийэн кэллилэр: Иван Луцкан – Дьокуускайдааҕы харах клиническэй балыыһатын кылаабынай бырааһа, Ил Түмэн судаарыстыбаннай мунньаҕын народнай депутата, “Биир ньыгыл Арассыыйа» партиятын секретарын солбуйааччыта уонна Ирина Малогулова – ХИФУ Медицинскэй малай академиятын салайааччыта.
Торжественнай линейканы “Аанньаллар” диэн Надежда Макарова салайааччылаах оскуолабыт хора үөрүүлээхтик аста. Оскуолабыт директора Анатолий Чиряев медицинскэй кылаас оҕолоругар анаан истиҥ тыллары эттэ. Ол кэнниттэн Ирина Малогулова уонна директор биир остуолга олорон салҕыы бииргэ үлэлииргэ илии баттастылар. Бу үөрүүлээх түгэнтэн оҕолор да, учууталлар да олус астынныбыт. Биһиги оскуолабыт оҕолоро сайдыылаах, инники өртүгэр дьону эмтиир, быыһыыр туһалаах дьон тахсыахтара диэн эрэнэбит. Бу линейканы 10 «Б» кылааһын үөрэнээччилэрэ Кира Матвеева уонна Артур Попов олус киэргэттилэр. Кира нарын тарбахтарынан скрипка алыптаах муусукатынан оонньоото . Оттон Артур гитаранан доҕуһуоллаата.
Тэрээһин түмүгүн медицинскэй кылаас үөрэнээччилэрэ бигэ тылынан мэктиэтээтилэр. Уонна кыра сэмэй бэлэхтэри туттулар. Үөрэнээччилэрбитигэр ситиһиини баҕарабыт!
Арина КОЛОДЕЗНИКОВА, Ангелина ПАВЛОВА, VII кылаас,
«Сайдын» медиакиин юнкордара, 17№-дээх оскуола, Дьокуускай
keskil14.ru