Хаптаҕай орто оскуолатыгар Ааҕыы сылын чэрчитинэн элбэх үлэ ыытыллар. Ол курдук, оскуола учууталларын көҕүлээһининэн сурутуу тэриллибитэ. Бу акцияҕа нэһилиэк тэрилтэлэрэ бары кыттыыны ылбыттара. Саамай ааҕар кылаас улуус бырайыагар кыттыбыта.
Аны бу саҥа «Мин ааҕабын» диэн бырайыак саҕаланна. Хас уруок аайы 5 мүнүүтэ оскуола бары үөрэнээччилэрэ кинигэ ааҕаллар. Ааҕар кинигэлэрин илдьэ сылдьаллар, өскөтүн кинигэтэ суох буоллаҕына, кабинеттарга кылаас таһынан ааҕар литература баар уонна оскуола библиотеката кинигэ биэрэр. Маннык тэрээһин, ааҕыыны көҕүлүүр биир саҥа сүүрээн.
Карина АНТОНОВА, 7 кылаас үөрэнээччитэ,
«Кустук» медиастудия, Хаптаҕай орто оскуолата.