Балаҕан ыйын 21 күнүгэр биһиги оскуолабытыгар коллекционердар күннэригэр аналлаах быыстапка буолан ааста. Манна учууталлар, оҕолор бэйэлэрэ муспут араас коллекцияларын аҕалан көрдөрбүттэрэ.
Мин бэйэм эмиэ убайым мунньубут сэбиэскэй значоктарын көрдөрбүтүм. Атын оҕолор уонна учууталлар араас таастары, оонньуурдары, ручкалары, сакалаат хахтарын, зажигалка арааһын, иистэнэр сүүтүгү, магниттары, тэриэлкэлэри быыстапкаҕа аҕалбыт этилэр. Коллекция арааһа барыта сөхтөрөр.
Мин коллекциям убайбыттан кэлбитэ. Бүгүҥҥү күҥҥэ значогум ахсаана 191. Ону тэҥэ мин быыстапканы хаартыскаҕа түһэрэн, дьон санаатын истэн, бэртээхэй тэрээһиҥҥэ сырыттым дии санаатым.
Бу кэннэ мин маннык түмүккэ кэллим. Коллекцияны мунньуу киһини бэрээдэктиир. Коллекция араас көрүҥэ олох остуоруйатын көрдөрөр, санатар. Урукку маллары харыстаан-сөбүлээн илдьэ сылдьарга үөрэтэр эбит.
Аман ЕРЕМЕЕВ,
М.Е. Васильева аатынан 2-с Малдьаҕар орто оскуолатын
7 кылааһын үөрэнээччитэ.