Биhиги оскуолабыт оҕолоро быйыл олимпиадаҕа уонна «Инникигэ хардыы» НПК-га ситиhиилээхтик кытыннылар. Ол курдук, биология олимпиадатыгар Горохова Нарыйа (7 кылаас) 1-кы миэстэни, саха тылыгар Бурцева Света (11 кылаас) 3 миэстэни, литератураҕа Стручков Айаал (10 кылаас) 3 миэстэни ыллылар.
Сылын аайы ыытыллар «Инникигэ хардыы» эрэгийиэннээҕи НПК-ҕа учууталлар элбэх үлэни ыытан, араас тиэмэҕэ Ирина Викторовна Соколова, Ольга Николаевна Соловьева, Екатерина Егоровна Слепцова, Розалия Юрьевна Горохова, Екатерина Петровна Заровняева, Зоя Николаевна Цырендондопова уо.д.а. учууталлар тиhигин быспакка оҕолору дьарыктыыллар.
Быйылгы сылга эрэгийиэннээҕи конференция түмүгүнэн элбэх оҕо 1-гы, 2-с миэстэни ыллылар.
Ол курдук, Витя Томский (6 кылаас) «Исследование состава жевательных резинок и выявление их влияния на организм человека» диэн тиэмэҕэ 2 миэстэни ылла.
Оля Бурцева (11 кылаас) «Приготовление дезинфицирующего средства с нуля и проверка продуктов на подлинность» диэн тиэмэҕэ 1 миэстэ буолла.
Маша Бурцева (10 кылаас) «Анализ детской каши разных производителей» диэн тиэмэҕэ бастаата.
Света Бурцева (11 кылаас) лауреат аатын ылла. Кини тиэмэтэ «Количественный анализ аскорбиновой кислоты в трёх видах ягод Якутии и сопоставление результатов двух сезонов».
Саргыяна Стручкова (11 кылаас) «Исследование качества стиральных порошков разных марок» диэн тиэмэҕэ 2 миэстэ буолан үөрдэ-көттө.
Бу эдэр чинчийээччилэр салайааччыларынан Ирина Викторовна Соколова буолар. Кини химия уонна биология учуутала.
Эмиэ 11 кылаастан Ира Потапова «Математические фокусы» диэн тиэмэҕэ 2 миэстэ буолла. Салайааччыта — Екатерина Егоровна Слепцова, математика уонна геометрия учуутала.
Нарыйа Билюкина (5 кылаас), Вика Соловьёва (7 кылаас) «Изготовление игрушек из конского хвоста» диэн тиэмэҕэ 1 миэстэни ыллылар.
Салайааччы — Ольга Николаевна Соловьева, технология учуутала.
Бу оҕолортон Света Бурцева, Оля Бурцева, Маша Бурцева уонна Витя Томский салгыы өрөспүүбүлүкэҕэ кыттарга мэктиэлэннилэр. Маны таhынан, хас да оҕо 3-с миэстэни ыллылар. Онон оскуолабыт уопсай түмүккэ 3 миэстэни ылла. Онон бары олус диэн үөрдүбүт!
Света БУРЦЕВА, «Саhарҕа» пост эдкора,
Үөһээ Дьааҥы Эҥэ орто оскуолата.